ផ្សារព្រៃល្វាចំនួន១២០តូបត្រូវអគ្គីភ័យលេបត្របាក់ទាំងស្រុង និងធ្វើឲ្យខូចខាតថវិការ របស់ប្រជាពលរដ្ឋជិត៣០ម៉ឺនដូល្លារ
ខេត្តតាកែវ ៖ អគ្គីភ័យមួយបានលេបត្របាក់ផ្សារព្រៃល្វា ដែលមានទីតាំងស្ថិតនៅក្នុងឃុំព្រៃល្វា ស្រុកព្រៃកប្បាស ខេត្តតាកែវ កាលពីវេលាម៉ោង ១ ទៀបភ្លឺ ឈានចូលថ្ងៃទី៥ ខែកញ្ញា ២០១៨ នេះ បណ្តាលអោយតូបចំនួន ១២០តូបនៅក្នុងផ្សារ រងការខូចខាតទាំងស្រុង បើគិតជាថវិការនៃការខាតបង់នោះប្រមាណជាង ៣០ម៉ឺនដុល្លារ ។
តាមការឲ្យដឹងពីឯកឧត្តមឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បានឲ្យដឹងថា ៖ ករណីភ្លើងឆេះផ្សារព្រែល្វាខាងលើនោះ គឺបណ្តាលមកពី ការផ្ទុះស្សេខ្សែភ្លើង រួចបង្កើតជាអគ្គីភ័យឆេះរីករាលដាលពីតូបមួយមកតូបមួយតែម្តង ភ្លាមៗនោះដែរ បន្ទាប់ពីទទួលពត័មានថា មានករណីអគ្គីភ័យភ្លើងឆេះផ្សារព្រៃល្វា កងកំលាំងពន្លត់អគ្គីភ័យរបស់អធិការដ្ឋាន និងរបស់ស្នងការនគរបាលខេត្ត បានប្រើប្រាស់រថយន្តពន្លត់អគ្គីភ័យចំនួន ៣ គ្រឿងនិងប្រើប្រាស់ទឹកចំនួន ១៥ឡាន ទើបអាចគ្រប់គ្រងស្ថានការណ៍វិញបាន ។ លោកស្នងការបានបញ្ជាក់ថា ក្នុងហេតុការណ៍ភ្លើងឆេះផ្សារខាងលើនេះគឺមិនមានមនុស្សរងរបួសទេ តែអ្វីដែលគួរសោកស្តាយនោះគឺការខាតបង់នៅ ទ្រព្យសម្បត្តិរបស់បងប្អូនប្រជាពលរដ្ឋដែលជាអជីវករលក់ដូរនៅក្នុងផ្សារព្រៃល្វា ៕ ដោយៈ ភារ៉ា
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។