ប្រិយ៍មិត្តប្រាកដជាបានស្គាល់គាត់រួចមកហើយថាគាត់ជាអ្នកណា។ គាត់អ្នកមានគុណដ៏សែនក្រៃលេងរបស់កុមាររាប់លាននាក់នៅកម្ពុជាយើងនេះ គាត់មានឈ្មោះថា លោកវេជ្ជបណ្ឌិត Beat Richner។ លោក Beat Richner តើនៅថ្ងៃទី ១៣ ខែមីនា ឆ្នា១៩៤៧ ហើយក៏ទទួលមរណៈភាពនៅថ្ងៃទី ០៩ ខែកញ្ញា ឆ្នាំ២០១៨ ដោយសារតែជម្ងឺ ហើយខាងក្រោមនេះជាប្រវត្តិសង្ខេបខ្លះ របស់ស្ថាបនិកមន្ទីរពេទ្យគន្ធបុប្ផា៖ យោងតាម គេហទំព័រ វិគីភីឌា បានដកស្រង់ប្រវត្តិរបស់លោកថា លោកវេជ្ជបណ្ឌិត បេអាត រិចន័រ (កើតនៅថ្ងៃទី១៣ ខែមីនា ឆ្នា១៩៤៧) ជាជនជាតិ ស្វីស។ គាត់ជា ពេទ្យកុមារ អ្នកលេងសូរឡោ និងជាអ្នកបង្កើត មន្ទីរពេទ្យកុមារ នៅ ព្រះរាជាណាចក្រកម្ពុជា ហើយគាត់ជានាយកនៃមន្ទីរពេទ្យគន្ធបុប្ផាផងដែរ។ បន្ទាប់ពីទទួលបាន បរិញ្ញាបត្រវិជ្ជសាស្រ្ត ក្នុងឆ្នាំ១៩៧៣ លោកវិជ្ជបណ្ឌិត បេអាត រិចន័រ ធ្វើជាអ្នកឯកទេស ថែរទាំកុមារ នៅឯមន្ទីរពេទ្យកុមារនៅស៊ូរិច។ បន្ទាប់មក លោក រិចន័រ បានធ្វើការអោយកាកបាទក្រហម ស្វីស និងត្រូវបានបញ្ជូនមកប្រទេសកម្ពុជាជាទី ដែលលោកបានធ្វើការ នៅមន្ទីរពេទ្យ គន្ធបុប្ផា ទីក្រុងភ្នំពេញចន្លោះឆ្នាំ១៩៧៤ និងឆ្នាំ១៩៧៥។ មន្ទីរពេទ្យនេះត្រូវបានប្រសិទ្ធិភាពនាមដើម្បីជាការចងចាំដល់សម្តេចព្រះអង្គម្ចាស់ នរោត្តម គន្ធបុប្ផា (១៩៤៨-១៩៥២) ដែលជាព្រះរាជបុត្រីនៃព្រះបរមរតនកោដ្ឋ សម្តេចព្រះនរោត្តម សីហនុដែលបានសោយវិលាល័យក្នុងព្រះជន្មក្មេងវស្សា។ នៅពេលដែលខ្មែរក្រហមបានកាន់កាប់ប្រទេសកម្ពុជា លោកត្រូវបានបង្ខំអោយចាកចេញទៅប្រទេសស្វីសវិញដែលជាទីដែលលោកបានបន្តការងាររបស់លោកនៅទីក្រុងហ៉្សូរ៉ិច។ ក្នុងដំណើរការស្វែងរកអាជីពវេជ្ជសាស្ត្ររបស់គាត់ និង ចំណាប់អារម្មណ៍ខាងតន្ត្រី និង ការកម្សាន្ត វេជ្ជ.រិឆ្នឺរបានអភិវឌ្ឍចរិកលក្ខណៈនៃ “Beatocello” ត្លុកកំប្លែងសិល្បៈ ដែលលេងសេឡ្លូ។ ស្របគ្នាជាមួយមុខនាទីនេះ លោករិឆ្នឺរក៏បានបោះពុម្ពសៀវភៅកុមារជាច្រើនដែលផ្អែកលើ “Beatocello” ។ នៅ ខែធ្នូ ១៩៩១ រិឆ្នឺរ បានត្រឡប់មក កម្ពុជា និងបានឃើញការបំផ្លិចបំផ្លាញ ដែលបានកើតឡើង ដោយសារសង្គ្រាមស៊ីវិល។ លោកត្រូវបានសុំអោយបើក និងសាងសង់មន្ទីរពេទ្យគន្ធបុប្ផា ឡើងវិញ ដោយរដ្ឋាភិបាលកម្ពុជា។ ការបង្កើតមូលនិធិ គន្ធបុប្ផា នៅខែមីនា ១៩៩២ លោក រិឆ្នឺរ ជាផ្លូវការ បានត្រឡប់មកកម្ពុជាវិញ ដើម្បីចាប់ផ្ដើមការសាងសង់ឡើងវិញ ហើយគន្ធបុប្ផា ត្រូវបានបើកទ្វារ ឡើងវិញនៅខែវិច្ឆិកា ១៩៩២។ មន្ទីរពេទ្យមាន សាខាចំនួនប្រាំ ដែលបាន បង្កើតឡើងដោយ លោកវេជ្ជបណ្ឌិត បេអាត រិចន័រ។ មន្ទីរពេទ្យគន្ធបូប្ផា ត្រូវបានបង្កើតឡើង និង មាន ទីតាំង នៅ ក្នុង រាជធានីភ្នំពេញ។ រាល់ការព្យាបាល នៅមន្ទីរពេទ្យ របស់លោកពុំមានការ គិតកម្រៃឡើយ។ សាខាគន្ធបូប្ផាទីមួយ និង ទីពីរ ស្ថិតនៅក្នុង រាជធានីភ្នំពេញ និង មន្ទីរពេទ្យ ព្រះបាទជ័យវរ្ម័នទី៧ ដែលស្ថិតនៅខេត្តសៀមរាប។ មន្ទីរពេទ្យគន្ធបូប្ផាទី៤ បានបើកដំណើរការ នៅខែធ្នូ ក្នុងឆ្នាំ២០០៥ នៅភ្នំពេញ ហើយបានរួមបញ្ចូលគ្នា ជាមួយនិង មន្ទីរពេទ្យគន្ធបូប្ផាទីមួយ។ អគាររបស់ មន្ទីរពេទ្យគន្ធបូប្ផា ទីប្រាំ ត្រូវបានស្ថាបនា រូចរាល់ និង បើកឱ្យដំណើរការនៅក្នុងខែធ្នូ ឆ្នាំ២០០៧។ មន្ទីរពេទ្យគន្ធបូប្ផា ទីពីរ ត្រូវបានដាក់សម្ផោធ នៅថ្ងៃទី១២ កក្កដា ឆ្នាំ១៩៩៦។ មន្ទីរពេទ្យ ត្រូវបានសាងសង់ ឡើងដោយសារតម្រូវការចាំបាច់ ដែលបង្កដោយ ចំនួនមនុស្សដ៏កកកុញ នៅមន្ទីរពេទ្យគន្ធបុប្ផាទី១។ ទីតាំងមន្ទីរពេទ្យ ត្រូវបានសម្តេចព្រះនរោត្តម សីហនុ (ព្រះបរមរតនកោដ្ឋ) ទ្រង់ប្រោសព្រះរាជប្រទាន។ មន្ទីរពេទ្យព្រះជ័យវរ្ម័នទី៧ ត្រូវសាងសង់ ឡើងនៅក្នុងឆ្នាំ១៩៩៨ លើទីតាំង ដែលជាអំណោយ របស់ សម្តេចនាយករដ្ឋមន្រ្តីហ៊ុន សែន។