ប្រុងប្រយ័ត្ន...មន្ត្រីសាខាកាំកុងត្រូលដកហូតបានទឹកដោះគោអាដេខូចគុណភាព១៤៨៨ដប ទឹកអាខ្វរៀរ៧៨ដប ទឹកវីតា៤៨ដប ទឹកក្រូចហ្វាន់តា១យួរ និងនំស្រួយចំនួន២០កញ្ជាប់ ដែលហួសកាលបរិច្ឆេទ ព្រមទាំងបណ្តាលឲ្យខូចសុខភាពប្រជាពលរដ្ឋ

ស្ទឹងត្រែង ៖ មន្ត្រីសាខាកាំកុងត្រូលដកហូតបានទឹកដោះគោអាដេខូចគុណភាព១៤៨៨ដប ទឹកអាខ្វរៀរ៧៨ដប ទឹកវីតា៤៨ដប ទឹកក្រូចហ្វាន់តា១យួរ និងនំស្រួយចំនួន២០កញ្ជាប់ ចំនីអាហារមួយចំនួនហួសកាលបរិច្ឆេទប្រើប្រាស់ និងធ្វើការបំផ្លាញចោល ដើម្បីរក្សាសុខភាព អ្នកបរិភោគ កាលពីថ្ងៃទី ១០ ខែកញ្ញា ឆ្នាំ២០១៨ ។

បើយោងតាមសម្តីរបស់មន្រ្តីកាំកុងត្រូលខេត្តស្ទឹងត្រែង បានចុះត្រួតពិនិត្យទំនិញនៅតាមបណ្តាហាងលក់ដូរ ជាពិសេសគឺបងប្អូនអាជីវករ និងប្រជាពលរដ្ឋត្រូវរួមគ្នាស្វែងយល់ពីការប្រើប្រាស់ចំណីអាហារដោយខ្លួនឯង ព្រោះទំនិញខ្លះមានស្លាកសញ្ញា លេខ ថ្ងៃខែឆ្នាំផលិត បើពិនិត្យឃើញថា វាជិតផុតឬហួសកំណត់ ឬគ្មានសញ្ញាសំគាល់ សូមកុំទិញបរិភោគ ។

លោក លាង សោភា បានប្រាប់ថា កាលពីពេលកន្លងមកក៏ធ្លាប់មានកុមារស្លាប់ដោយសារតែចំនីអាហារម្នាក់រួចមកហើយ នៅភូមិឃុំព្រះរំកិល ស្រុកថាឡាបរិវ៉ាត់ ដោយសារតែបរិភោគចាហួយដូង និងទឹកក្រូចធ្វើឲ្យរាគក្អួតព្យាបាលមិនទាន់ ។