កម្មករ ប្រមាណជាង២០០០នាក់​ ប្រមូលផ្តុំគ្នាទាំងភ្លៀងរលឹម ដើម្បីទាមទារលុយបំណាច់ឆ្នាំ លុយអត្ថប្រយោជន៍ផ្សេងៗ ដែលជាកំលាំងញើសឈាមខំប្រឹងធ្វើការងារ នៅផ្លូវជាតិលេខ៤
-

ភ្នំពេញ ៖ កម្មករ ប្រមាណជាង២០០០នាក់​ ប្រមូលផ្តុំគ្នាបិទផ្លូវជាតិលេខ៤ ទាមទារលុយបំណាច់ឆ្នាំ លុយអត្ថប្រយោជន៍ផ្សេងៗ នៅថ្ងៃទី១៧ ខែកញ្ញា ឆ្នាំ២០១៨ វេលាម៉ោង ៧និង៣០នាទី ស្ថិតនៅជើងគោក ភូមិព្រៃបឹង សង្កាត់កន្ទោក ខណ្ឌពោធិសែនជ័យ ក្រោយពីរោងចក្របិទ ផ្អាកដំណើរការ កម្មករទមទាររក ប្រាក់អត្ថប្រយោជន៍ ប្រាក់បំណាច់ឆ្នាំ គ្មានដំណោះស្រាយ ច្រើនថ្ងៃមកហើយ ។

ចំណែកឯស្ថានភាពចរាចរណ៍ឆ្លងកាត់ ត្រូវបានកាត់ផ្តាច់ហើយ មិនអាចធ្វើដំណើរឆ្លងកាត់បានទេ ។
សូមបញ្ជាក់ថា​ រោងចក្រកាត់ដេរ យុីហោ ជីម លី ដែលមានទីតាំងស្ថិតនៅ ក្នុងភូមិត្រពាំងទួល សង្កាត់កំបូល ខណ្ឌពោធិសែនជ័យ ក្រោយពីកម្មករទាមទារលុយបំណាច់ឆ្នាំ លុយអត្ថប្រយោជន៍ផ្សេងៗ ច្រើនថ្ងៃមកហើយ តែមិនទាន់បានសម្រេច ទើបនៅព្រឹកថ្ងៃទី១៧ ខែកញ្ញា ឆ្នាំ២០១៨នេះ កម្មករប្រមាណ២៤០០នាក់ នាំគ្នាបិទផ្លូវជាតិលេខ៤ ៕
ដោយៈភារ៉ា