ភ្នំពេញៈ នៅព្រឹកថ្ងៃទី៣១ ខែតុលា ឆ្នាំ២០១៨នេះ ឯកឧត្តម ស៊ុន ចាន់ថុល រដ្ឋមន្រ្តីនៃក្រសួងសាធារណការ និងដឹកជញ្ជូន បានថ្លែងក្នុងពិធីសម្ពោធដាក់ដំណើរការ ជាផ្លូវការមជ្ឈមណ្ឌលបណ្តុះបណ្តាល បើកបររថយន្តធុនធ្ងន់បញ្ជាក់ថា បញ្ហាផ្លូវខូច ឬផ្លូវសំបុកមាន់ លែងជាកង្វល់របស់ពលរដ្ឋទៀតហើយ។ ក្នុងនោះឯកឧត្តមក៏បានប្រកាសថា ក្រសួងនឹងដាក់ឲ្យដំណើរការ App ដើម្បីទទួលព័ត៌មានរាយការណ៍ពីប្រជាពលរដ្ឋ អំពីបញ្ហាផ្លូវ និងហេដ្ឋារចនាសម្ព័ន្ធផ្សេងៗទៀត ដែលពាក់ព័ន្ធនឹងក្រសួង។
មិនត្រឹមតែប៉ុននិង រាល់បញ្ហាផ្លូវដែលពលរដ្ឋ ចង់ឲ្យក្រសួងដោះស្រាយទាន់ពេលវេលានោះ គឺពួកគេគ្រាន់តែថតរូបផ្លូវខូចនេះ បញ្ជូនទៅ App ក្រសួង នោះនឹងមានការអន្តរាគមន៍ដោះស្រាយបញ្ហានេះភ្លាមដែរ។ បើតាមរដ្ឋមន្រ្តីរូបនេះបានបញ្ជាក់ ក្រសួងនឹងដាក់ឲ្យដំណើរការApp នេះ នៅចុងឆ្នាំខាងមុខ តែមិនទាន់មានការបញ្ជាក់ថា តើ App នោះ មានលក្ខណៈដូចម្ដេច ? ហើយត្រូវទាញយកមកប្រើប្រាស់សម្រាប់សុំអន្តរាគមន៍ពីក្រសួង ដោយរបៀបណានៅឡើយទេ ៕
.jpg?1751610233)
.jpg?1751610233)
