ឯកឧត្តមបណ្ឌិត ម៉ុង ឬទ្ធី បានចូលរួមជូនដំណើរ សពលោកព្រឹទ្ធាចារ្យភិរម្យប្រាជ្ញ ឈួន ជាលើកចុងក្រោយ ព្រមទាំងចេញថ្លៃចំណាយពិធីបុណ្យទាំងស្រុង ក្រោយជួបរឿងបែបនេះ….

នៅក្នុងផេកផ្ទាល់ របស់លោក ឯកឧត្ដមបណ្ឌិត ម៉ុង ឫទ្ធី បានមានប្រសាសន៍ថា វេលាម៉ោងបីរសៀលថ្ងៃចន្ទទី១៩ ខែវិច្ឆិកា ឆ្នាំ២០១៨ មកចូលរួមជូនដំណើរចុងក្រោយ សពលោកព្រឹទ្ធាចារ្យភិរម្យប្រាជ្ញ ឈួន ជាការពិតខ្ញុំមកចូលរួមក្នុងនាមជាប្រជាពលរដ្ឋធម្មតាទេ តែគេបានរៀបចំអោយខ្ញុំអង្អុយកៅអីគណអធិបតី ជាមួយឯកឧត្តមខៀវ កាញារីទ្ធ ។

ចុងបញ្ចាប់នៃកម្មវិធីបុណ្យឃើញគេនាំគ្នាយកវិក្កយបត្រមកទារប្រាក់ ពីព្រះតេជគុណឃឹម សន ក្នុងនោះមានថ្លៃមេរុ900$ ថ្លៃតុបតែងផ្កាលើមេរុ950$ ថ្លៃសម្ភារៈចំរុះ528$ ថ្លៃផ្កាកូរ៉ោន550$ សរុបចំនួន2.928$ លោកងាកមកអោយឧកញ៉ាជួយចេញលុយខ្លះផង ជាចុងក្រោយទើបដឹងថាកម្មវិធីបុណ្យនេះព្រះតេជព្រះគុណ ឃឹម សន ជាអ្នកចាត់ចែងធ្វើទាំងអស់យប់មិញខ្ញុំបានចូលបុណ្យម្តងរួចហើយ សម្រាប់ពេលនេះខ្ញុំមិនអាចចេញតែចំណែកណាមួយបានទេ មានតែជួយចេញថវិការទាំងអស់តែម្តងបើសង្ឃឹមទៅលើគ្រួសារសពទីទ័លក្រខ្លាំងណាស់ ។