សិង្ហបុរី: កាលពីថ្ងៃពុធ ទី ៥ ធ្នូម្សិលមិញ ស្ត្រីម្នាក់អាយុ ២៧ ឆ្នាំ ត្រូវបានពិន័យទឹកប្រាក់សរុបចំនួន 4,500 ដុល្លារសិង្ហបុរី សម្រាប់ការខកខានថែរក្សាសត្វឆ្មានិងបោះបង់វាចោល។ នាង Siti Afza Nooriani បានបោះបង់ចោលសត្វឆ្មារបស់នាង នៅឯទីលានបិទផ្លូវនៃប្លុក 815C Choa Chu Kang Avenue 7 នៅក្នុងខែឧសភា។ អាជ្ញាធរបាននិយាយថាការស៊ើបអង្កេតបានបង្ហាញថានាងបានបោះបង់ចោលសត្វនេះដោយសារតែវាធ្វើឱ្យផ្ទះរបស់នាងកខ្វក់ដោយទឹកនោមនិងលាមករបស់សត្វឆ្មានេះ។ នេះបើតាមអាជ្ញាធរចំណីអាហារនិងពេទ្យសត្វសិង្ហបុរី (AVA) ។
ពេទ្យសត្វ AVA បាននិយាយថា នាងSiti ក៏មិនបានផ្តល់ការថែទាំសត្វឆ្មាដែលត្រូវបានទទួលរងពីជំងឺមហារីកស្បែកធ្ងន់ធ្ងរនេះទេ។ នាងបានដាក់ឆ្មានៅក្នុងប្រអប់ក្រដាសកាតុងក្បាច់មុនពេលបោះបង់ចោលវា។ឆ្មានេះត្រូវបានគេជួយសង្គ្រោះហើយត្រូវបានគេមើលការថែទាំនិងបានផ្តល់ថ្នាំសង្កូវដល់វា។ ម្ចាស់សត្វចិញ្ចឹមគឺជាការប្តេជ្ញាចិត្តពេញមួយជីវិតថែរក្សាវាផ្តល់ចំណីនិងជួយព្យាបាលនៅពេលវាឈឺ។
អ្នកដែលត្រូវបានរកឃើញថាមានកំហុសពីការបោះបង់ចោលសត្វចិញ្ចឹមរបស់ខ្លួនឬការខកខានក្នុងការបំពេញកាតព្វកិច្ចថែទាំរបស់ពួកគេប្រឈមនឹងការផាកពិន័យជាអតិបរមាចំនួន 10.000 ដុល្លារសិង្ហបុរីនិងទោសជាប់គុករហូតដល់ 12 ខែសម្រាប់ការផ្តន្ទាទោសលើកដំបូងរបស់ពួកគេ។
អត្តបទបកប្រែនិងកែសម្រួលដោយ: ផានិត
ប្រភពពី: CNA