ត្រឹមត្រូវណាស់ Idol...លោក ខេម ថា ខ្ញុំមិនដឹងថាគាត់ជាអ្នកណាទេ ប៉ុន្តែដឹងតែម្យ៉ាងទេគឺគាត់ជាខ្មែរដូចខ្ញុំ ហើយអ្វីដែលខ្ញុំចាំមិនភ្លេចនោះគឺ ខ្ញុំក៏ធ្លាប់...

តារាចម្រៀងសំលេងស្អក លោកខេម ដែលទទួលបានការគាំទ្រយ៉ាងខ្លាំងពីសំណាក់ មហាជន ព្រោះតែទឹកដមសំលេងដ៏ក្រអួនក្រអៅ របស់លោក និងភាពរស់រាយរបស់លោក ធ្វើឲ្យមហាជននៅតែគោរពស្រលាញ់ លោកជានិច្ច។

ម្ចាស់បទ "លើលោកនេះអ្នកណាចង់ក្រ" ក៏បានបង្ហោះសារនៅលើបណ្តាញសង្គមហ្វេសប៊ុករបស់លោកថា "ជំរាបសួរបងប្អូនខ្មែរគ្រប់រូប ?????ខ្ញុំមិនដឹងថាគាត់ជាអ្នកណាទេប៉ុន្តែដឹងតែម្យ៉ាងទេគឺគាត់ជាខ្មែរដូចខ្ញុំ ហើយអ្វីដែលខ្ញុំចាំមិនភ្លេចនោះគឺ ខ្ញុំក៏ធ្លាប់ឆ្លងកាត់នូវរស់ជាតិជីវិតនេះដែរ ខ្ញុំមានបំណងចង់ធ្វើដំបូលជូនគាត់ មានបងប្អូនណាចង់ចូលរួមនិងខ្ញុំទេ ?????"។

គួរបញ្ជាក់ផងដែរថា តាមរយះហ្វេសប៊ុកឈ្មោះ Phorn Chetra បានបង្ហោះសាថា "សូមជួយshare សូមគោរពអំពាវនា ទៅកាន់ ឯកឧត្តម លោកជំទាវ លោក លោកស្រី នឹងបងប្អូនសប្បុរសជនទាំងអស់ សូមមេត្តាជួយធ្វើផ្ទះ ឬស្បៀងអាហារដល់គ្រួសារ អ្នកមីង ពៅ ដែលជាមនុស្សក្រលំបាកវេទនានេះផង ។

អ្នកមីង មានមុខរបដើរចាក់អង្រងលក់ ពីរនាក់កូនស្រី មួយថ្ងៃរកបានតែ5000-6000៛ក្នុងការផ្គត់ផ្គង់គ្រួសារ ពីមួយថ្ងៃទៅមួយថ្ងៃគ្រួសារគាត់មួយនេះកាន់តែលំបាកទៅៗ។ សូម្បីតែផ្ទះក៏ធ្លុះធ្លាយគ្រប់ទីកន្លែង ពេលភ្លៀងមកម្ដងៗគាត់តែតែងនាំកូនគាត់អង្គុយ រង់ចាំមេឃឈប់ភ្លៀងទើបមានកន្លែងគេង ដូចនេះអ្នកមីងសុំចិត្តបងប្អូនមេត្តាជួយគាត់ជាស្បៀងអាហារ និងជួយជួសជុលផ្ទះគាត់អោយរស់នៅសមរម្យផង ។អ្នកមីងរស់នៅ ភូមិទ័ពត្បែង ឃុំពង្រ ស្រុករលាប្អៀរ ខេត្តកំពង់ឆ្នាំ សូមបងប្អូនជួយគ្រួសារគាត់ដោយក្ដីអាណិតផងចុះ។ ទំនាក់ទំនងមកក្រុមការងាឬផ្ដល់ជំនួយតាមរយះខ្ញុំបាទ phorn chetra ៖096,9988938-085 600076 សូមអរគុណ..!!!"។