ដូចដែលប្រិយមិត្តជាច្រើន បានជ្រាបរួចមកហើយ ករណីគ្រោះថ្នាក់ចរាចរណ៍មួយដែលបណ្តាលឲ្យយុវតីម្នាក់ បានស្លាប់បាត់បង់ជីវិត ក្រោយពីបានទៅមើលឈ្មោះប្រឡង ពីនាក់ឪពុករួចមក ដែលហេតុការណ៍នេះបានកើតឡើង កាលពីវេលាម៉ោង ១២និង១០នាទីថ្ងៃទី១៨ ខែសីហា ឆ្នាំ២០១៩នេះ ស្ថិតនៅចំណុចផ្លូវជាតិលេខ៦អា កែងនឹងផ្លូវមហាវិថីឈ្នះឈ្នះ ក្នុងសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា Ren Rortanak បានបង្ហោះសារថា "ម្សិលមិញគេជូនកូនទៅមណ្ឌលប្រឡង ប៉ុន្តែគាត់បែរជាយកសពកូនត្រឡប់មកផ្ទះ...
ថ្ងៃនេះគេជូនកូន និងរង់ចាំកូនចេញពីប្រឡង គាត់យកសពកូនទៅបូជា និងរង់ចាំរើសអដ្ឋិធាតុកូន....
ខ្ញុំសូមចូលរួមរំលែកមរណទុក្ខដ៏ក្រៀមក្រំនេះជាមួយគ្រួសារលោកពូ និងសូមបួងសូងវិញាណក្ខន្ធក្មួយស្រីបានទៅកាន់សិគតិភព"។
គួរបញ្ជាក់ផងដែរថា ជនរងគ្រោះមានឈ្មោះថា អ៊ុយ លីលី ភេទស្រី អាយុ 18ឆ្នាំ មុខរបរសិស្សសិរីមង្គលរកាកោង ចំណែកឪពុកឈ្មោះ អ៊ុយ ឃុន ភេទប្រុស អាយុ ៦០ ឆ្នាំ មុខរបរអាជីវករ អាស័យដ្ឋានបច្ចុប្បន្នស្ថិតភូមិរកាកោង២ ឃុំរកាកោង ស្រុកមុខកំពូល ខេត្តកណ្ដាល ស្នាក់នៅជាមួយគ្នា ។
ចំណែកបង្កមានឈ្មោះ អេង ទិត្យ អាយុ២២ឆ្នាំ មានទីលំនៅភូមិព្រៃស្បូវ ឃុំនរាយ ស្រុកឈូក ខេត្តកំពត ។ បច្ចុប្បន្នតែកុង និងរថយន្តបង្កហេតុត្រូវបានសមត្ថកិច្ចការិយាល័យចរាចរណ៍ជើងគោកធ្វេីការឃាត់ទុក ដេីម្បីរងចាំការដោះស្រាយនៅពេលក្រោយ ចំណែកឯសពត្រូវបានប្រគល់ជូនទៅក្រុមគ្រួសារសាច់ញាតិយកទៅធ្វើបុណ្យតាមប្រពៃណីនៅស្រុកកំណើត៕
មានវិដេអូ៖
ប្រភព៖ Ren Rortanak