រំភើបចង់ហោះ ពេលបានជួប idol...ក្រុមយុវជនសំរាម បង្ហាញអារម្មណ៍ពិត ក្រោយពីបានជួប ឯកឧត្តមគួច ចំរើន និងលោកជំទាវ អ៊ូ ធីតាពៅ និងលោកជំទាវកិត្តិសង្គហបណ្ឌិត ម៉ែន សំអន ក្នុងពេលតែមួយ...
ស៊ីហៀង
- 764

មហាជនជាច្រើនប្រាកដជាបានស្គាល់ ហើយក៏មានអ្នកខ្លះទៀត បានចូលរួមចំណែក ក្នុងការការងារមួយនេះថែមទៀតផង ។ ក្រុមយុវជនសំរាម ដែលមានប្អូនប្រុស សាន ដារ៉ាវីត​ ជាប្រធាន និងជាចាប់ផ្តើមនៅក្នុងការប្រមូលសំរាមនៅប្រឡាយទឹកស្អុយ ឲ្យប្រែក្លាយជាកន្លែងមួយ លែងមានក្លិនស្អុយដូចពីមុន ថ្វីត្បិតដែលវាមិនទាន់បានស្អាតមួយរយភាគរយក៏ពិតមែន តែនេះក៏ជាលទ្ធផលមួយដែលគួរពេញចិត្តផងដែរ។

ដោយឡែកកាលពីថ្ងៃទី១៧ ខែវិច្ឆិកា ឆ្នាំ២០១៩​នេះ នៅក្នុងគណនីហ្វេសប៊ុករបស់ក្រុមយុវជន សំរាម បានបង្ហាញក្តីរំភើបជាខ្លាំង ដោយក្តីបំណងបានសម្រេច ។ ម្ចាស់គណនីហ្វេសប៊ុករូបនេះ បានបង្ហោះសារថា "ដំណឹងល្អៗ រំភើបខ្លាំងណាស់ ចង់ជួបយូរណាស់មកហើយ! ថ្ងៃនេះមាននិស្ស័យបានជួបលោកជំទាវកិត្តិសង្គហបណ្ឌិត ម៉ែន សំអន និងឯកឧត្តមពូ គួច ចំរើន និងលោកជំទាវ នៅឆ្នេរអូរឈើទាល ខេត្តព្រះសីហនុ។

ក្នុងនោះដែរលោកជំទាវ អ៊ូ ធីតាពៅ ក៏បានសរសើរស្មារតី តស៊ូរបស់ក្រុមយុវជនយើង និងចូលរួមគាំទ្រយុទ្ធនាការ ដោយបានឧបត្ថម្ភដល់ក្រុមយើងខ្ញុំ ចំនួន ៥,000,000៛ ផងដែរ (៥ លានរៀល)។ យើងខ្ញុំ សូមគោរពជូនពរលោកជំទាវ និងឯកឧត្តមមានសុខភាពល្អ ព្រមទាំងជោគជ័យគ្រប់ភារកិច្ច"៕

ប្រភព៖ យុវជនសំរាម

Loading...