តារាសម្តែងវ័យក្មេង អាង សុជាតា ស្រាប់តែចុកពោះ បញ្ជូនទៅមន្ទីរពេទ្យភ្លាមៗ ខណៈពេលដែលកំពុងតែត្រៀមខ្លួន ចូលរួមក្នុងកម្មវិធីខួបកំណើតលោក អុឹម ជីវ៉ា...

កាលពីយប់មិញនេះ តារាសម្តែងវ័យក្មេង ដែលកំពុងទទួលបានប្រជាប្រិយភាពយ៉ាងខ្លាំងពីសំណាក់មហាជន ពិសេសគឺមិត្តៗយុវវ័យ អាង សុជាតា ហៅឈូឈូ ស្រាប់តែចុកពោះ និងបញ្ជូនទៅមន្ទីរពេទ្យភ្លាមតែម្តង។

តារាសម្តែងវ័យក្មេង ឈូឈូ បានរៀបចំខ្លួនយ៉ាងស្រស់ស្អាត ដើម្បីទៅចូលរួមខួបកំណើតរបស់លោក អុឹម ជីវ៉ា តែបែរជាត្រូវខកខាត ព្រោះតែរូបនាងបានចុកពោះភ្លាមនោះ។ បន្ទាប់ពីបានទៅដល់មន្ទីរពេទ្យមិនទាន់ដឹងថា ខ្លួនមានជំងឺអ្វីនោះទេ ខណៈពេលដែលលោកគ្រូពេទ្យកំពុងតែតាមដានពិនិត្យយ៉ាងល្អិតល្អន់ អំពីអាការៈរបស់នាង។

ដោយឡែកអ្នកនាង សឿន ផានផាភួង បានលើកឡើងថា "អាណិតកូនណាស់អូនអើយគ្នារៀបចំផាត់មុខរួចហើយ បែរជាឈឺចុកពោះខ្លាំងទ្រាំមិនបានមុខឡើងស្លេកក៏យកទៅមន្ទីរពេទ្យតែម្ដងទៅ។ គាត់ឈឺអស់កម្លាំងមួយរយៈនេះដោយសារតែថតរឿងច្រើនពេកអត់សូវមានពេលគេងគ្រប់គ្រាន់"។ ក្រោយពីបានទៅដល់មន្ទីរពេទ្យហើយនោះ តារាសម្តែងវ័យក្មេងរូបនេះ ក៏បានបង្ហោះសារយ៉ាងខ្លាំងថា "អរគុណ ខ្ញុំធូរខ្លះហើយ??♥️"៕