ភ្នំពេញ ៖ ក្រុមហ៊ុន Realme ប្រចាំប្រទេសកម្ពុជាបានប្រកាសចេញស្មាតហ្វូនស៊េរីថ្មីរបស់ខ្លួនជាផ្លូវការកាលពីល្ងាចថ្ងៃទី ២៤ ធ្នូ នៅក្នុងកម្មវិធី Media Testing និងចេញលក់ជាផ្លូវការនៅថ្ងៃទី ២៥ ធ្នូ នេះ។
ជាមួយគ្នានេះដែរក្រុមហ៊ុន Realme បានទើបតែធ្វើការបង្ហាញពីទូរសព្ទជំនាន់ថ្មីរបស់ខ្លួន គឺ Realme X2 Pro ដែលប្រើអេក្រង់ប្រភេទ Super AMOLED ទំហំ ៦,៥ អ៊ីញ ដែលមានល្បឿន Refresh Rate 90Hz និងបង្ហាញរូបភាពកម្រិត 1080p+ ជាមួយមុខងារ HDR10+ និង DCI-P3 ។
Realme X2 Pro មានបង្កប់សេនស័រស្កេនម្រាមដៃក្រោមអេក្រង់មកជាមួយ ដែលអាចដោះសោរបានលឿន ដោយប្រើពេលត្រឹមតែ ០,២៣ វិនាទី។ វាត្រូវបានបំពាក់មកជាមួយបន្ទះឈីប Snapdragon 855+ មាន GPU ដំណើរការលឿនជាងមុន ១៥% ជាមួយមុខងារ HyperBoost 2.0 ជួយឱ្យ Frame Rates ដំណើរការថេរខណៈ Touch Boost 2.0 ជួយឱ្យការចុច Touch កាន់តែដើរស្រួល ៣៥% ។
Realme X2 Pro មានលក្ខណៈពិសេសដោយវាត្រូវបានតំឡើងភ្ជាប់ជាមួយកាមេរ៉ាភ្នែកឥន្រ្ទី (Hawk Eye) ៤គ្រាប់ ដែលមានទំហំ ៦៤ មេហ្គាភិចស៊ែល ចំពោះកាមេរ៉ាគោល និង កញ្ចក់កាមេរ៉ា Optical Zoom lens អាចពង្រីកបាន ២ដង, Super Wide-Angle មានទំហំ ៨ មេហ្គាភិចស៊ែល ថតបានប្លង់រហូតដល់ ១៥៥ ដឺក្រេ ដែលធ្វើឲ្យរូបច្បាស់មិនព្រាលសម្រាប់ការថតរូប Portrait។ កាមេរ៉ាគោលទំហំ ៦៤ មេហ្គាភិចស៊ែល មានប្រហោងអាផាត់ឆឺ (aperture) ធំកម្រិត f / 1.8 អាចចាប់យករូបភាពច្បាស់ទំនើប និងប្រើដោយបច្ចេកវិទ្យា Tetracell 4-in-1 ដែលមានទំហំ Pixel ធំដើម្បីបញ្ចូលភីចសែលជាប់គ្នា៤ដង ទៅជាភិចសែលធំ 1.6μm ធ្វើឱ្យវាដំណើរការបានយ៉ាងល្អឥតខ្ចោះមិនថាពេលយប់ឬពេលថ្ងៃ រួមជាមួយ Super Nightscape 2.0 ។
កាមេរ៉ាធំទូលាយទំហំ ៨ មេហ្គាភិចស៊ែលមានភិចសែលធំ 1.4μm កញ្ចក់ធំទូលាយ ១១៥ ដឺក្រេ អាចចាប់យក រូបភាពបាន ធំអស្ចារ្យ យ៉ាងងាយ ស្រួល ហើយកញ្ចក់ម៉ាក្រូទំហំ 2.5cm ផ្តល់នូវរូបភាពយ៉ាងជិតបំផុត។ កញ្ចក់ពង្រីកទំហំ ១៣ មេហ្គាភិចស៊ែលអាចពង្រីក Optical Zoom បាន ២ដង ដោយមិនបាត់បង់គុណភាព។ មាន Hybrid Optical Zoom ៥ ដង និងពង្រីកឬបង្រួមរហូតដល់ ២០ដង។ ប្រព័ន្ធត្រងពណ៌ចាប់យកពន្លឺ ( color filtering system) មានភាពស្រាលដែលជួយបង្កើនរូបភាពរបស់អ្នកដោយបង្ហាញកាន់តែច្បាស់រស់រវើក
ដោយឡែក កាមេរ៉ាខាងមុខមានទំហំ 16MP មានមុខងារ Nightscape និង EIS សម្រាប់ទប់លំនឹងពេលថតវីដេអូផងដែរ ។ Realme X2 Pro មានទំហំថ្ម 4,000mAh ល្បឿនសាកថ្មលឿន SuperVOOC Fast Charging កម្លាំង 50W ទៀតផង ដោយប្រើពេលក្រោម ៣០ នាទីប៉ុណ្ណោះដើម្បីសាកបាន ៨០% ។
Realme X2 Pro ដែលដាក់លក់ថ្ងៃទី ២៥ ធ្នូ នេះជាមួយតម្លៃ ៦៥៩ ដុល្លារ សម្រាប់ទំហំ RAM 12GB និងអង្គផ្ទុកទិន្នន័យ 256GB មាន ២ពណ៌សម្រាប់ជ្រើសរើស គឺស និង ខៀវ និងមានការធានារយៈពេលមួយឆ្នាំពីក្រុមហ៊ុន Smart ផងដែរ៕
