មហាជនជាច្រើនប្រាកដជាបានជ្រាបហើយថា ជំងឺកូរ៉ូណា ដែលជាជំងឺប្រភេទ គេនៅមិនទាន់រកឃើញថ្នាំមិនព្យាបាលនោះទេ។ ដោយយើងងាកមកមើលពីអ្នកនាង ទ្រី ដាណា ដែលជាម្ចាស់ហាងពេជ្រ ដ៏ល្បីឈ្មោះ ពិតជាក្តីព្រួយបារម្ភជាខ្លាំងចំពោះសុខសុវត្ថិភាពរបស់បងប្អូនខ្មែរ ថៅកែស្រីរូបនេះ ក៏បានចែកម៉ាស់ដល់បងប្អូនផ្ទាល់តែម្តង។
នៅក្នុងគណនីហ្វេសប៊ុករបស់ថៅកែស្រីរូបស្រស់ម្នាក់នេះ បានបង្ហោះសារថា "ថ្ងៃនេះ ខ្ញុំបានយកម៉ាសមកចែកឱ្យសិស្សសាលាបឋមសិក្សានៅព្រែកព្នៅ ទាំងវេនព្រឹកនិងថ្ងៃ។ នៅហាងពេជ្រខ្ញុំ ព្រែកព្នៅ ក៏ចែក Free ដែរ បងប្អូនយកបានទាំងអស់គ្នា ហើយអ្នកណាឆ្លងកាត់ អាចចូលយកបាន ការពារទាំងអស់គ្នាណា។
លឺថាជំងឺផ្លូវដង្ហើមថ្មីដែលកំពុងរាលដាលនៅចិន មកដល់កម្ពុជា ខ្ញុំមានអារម្មណ៍ថាភ័យខ្លាចដែរ ប៉ុន្តែបើនៅស្ងៀមមិនបានទេ ត្រូវជួយគ្នាការពារ ទើបសុខទាំងអស់គ្នា។ បងប្អូន ត្រូវពាក់ម៉ាស ពេលចេញទៅណាឆ្ងាយ ឬទៅកន្លែងមានមនុស្សអ៊ូអរ ជាពិសេសតំបន់ដែលមានភ្ញៀវអន្តរជាតិឆ្លងកាត់ច្រើន។ ត្រូវលាងសម្អាតដៃជានិច្ច ព្រោះវាអាចតោងតាមដៃយើងដែរ។
អរគុណណាស់ អ្នកលក់ម៉ាសឱ្យ ឥឡូវប្រមូលទិញបានរាប់ម៉ឺនម៉ាស ទុកចែកតាមសាលា និងនៅមុខផ្ទះ។ សូមកុំដំឡើងថ្លៃអី ចែកគ្នាប្រើទាំងអស់គ្នាទៅ កុំឱ្យរាលដាលនៅក្នុងស្រុកយើង"។
ប្រភព៖ Dana Try
