អភិបាលស្រុក វ័យក្មេង ពាក់ឯកសណ្ឋានថ្មីជូនមន្ត្រី ដើម្បីបម្រើរាស្ត្រ ដើម្បីឲ្យប្រជាពលរដ្ឋស្គាល់និងងាយចងចាំ មន្ត្រីរបស់សាលាស្រុក​
ស៊ីហៀង
- 500

កើត​ក្នុង​គ្រួសារ​មន្ត្រី​រាជការ ព្រម​ទាំងមាន​ឪពុក​ជាអតីតអភិបាល​ខេត្ត​សៀមរាបផង លោក​ឃឹម ហ្វីណង់ ដែល​បច្ចុប្បន្ន​ជាអភិបាល​ស្រុក​បន្ទាយ​ស្រី មានលទ្ធភាពទទួលបាន​ការ​អប់រំ​យ៉ាងល្អ​ប្រសើរ ទាំងកម្រិតជាតិ និង​អន្តរជាតិ​ រហូត​ដល់​បានក្លាយខ្លួនជាប្រធានក្រុមហ៊ុន​ធំៗ អាចរក​បានចំណូលបាន​យ៉ាងច្រើន។

ប៉ុន្តែក្រៅពី​ភាព​មានបាន ដែល​ជាបច្ច័យ​មក​ពីការ​សិក្សា និងគ្រួសារនេះ​ លោក​ហ្វីណង់ ក៏មាន​ក្តី​ស្រម៉ៃផ្ទាល់ខ្លួន ចង់​រួម​ចំណែក​ជួយ​ពលរដ្ឋ​ក្នុងខេត្ត​សៀមរាប តាមរយៈមុខងារជាមន្ត្រីរាជការ។ តាម​លោក​ហ្វីណង់​ មនុស្សម្នាក់ៗ មានក្តី​ស្រមៃខុសៗគ្នា! ហើយ​សម្រាប់លោក ការដែល​អាច​ឃើញពលរដ្ឋ​ក្នុង​ខេត្ត​កំណើត​របស់លោក មាន​ជីវភាពធូរធារ មានសុខសន្តិភាព គឺមាន​តម្លៃជាងចំណូល​ដែលលោក​ធ្លាប់​រក​បានកន្លងមកទៅទៀត។ 

យ៉ាងណាមិញនៅមុននេះបន្តិចលោកបានធ្វើការបង្ហោះនៅលើបណ្តាញសង្គមហ្វេសប៊ុករបស់លោកយ៉ាងដូច្នេះថា ៖ បំពាក់ឯកសណ្ឋានថ្មីជូនមន្ត្រីនៅក្នុងរចនាសម្ពន្ធ័របស់រដ្ឋបាលស្រុកបន្ទាយស្រី។ ឯកសណ្ឋានតំណាងអោយ៖

- វិន័យ ភាពមុឺងមាត់ និងក្រមសីលធម៌វិជ្ជាជីវៈក្នុងពេលបំពេញការងារ

- ភាពស្មើគ្នានិងសេចក្តីថ្លៃថ្នូរនៅក្នុងកន្លែងធ្វើការ

ចាប់ពីថ្ងៃនេះតទៅ បងប្អូនប្រជាពលរដ្ឋស្រុកបន្ទាយស្រីទាំងអស់លែងពិបាកសម្គាល់មន្ត្រីរបស់សាលាស្រុកទៀតហើយ។ មន្ត្រីរបស់រដ្ឋបាលស្រុកបន្ទាយស្រីទាំងអស់នឹងតម្រូវអោយប្រើប្រាស់ឯកសណ្ឋានមួយនេះ នៅក្នុងម៉ោងបំពេញតួនាទីនិងបម្រើសេវាជូនប្រជាពលរដ្ឋ។ ខ្ញុំក៏នឹងស្លៀកឯកសណ្ឋាននេះជារៀងរាល់ថ្ងៃដែរ។ #បន្ទាយស្រីទេសកាលថ្មី


Loading...