ឈ្មោះថាគ្រូ មិនថាគ្រូបង្រៀន គ្រូពេទ្យ គឺពួកគាត់តែងតែផ្តល់ចំណេះដឹង និង ការព្យាបាល ដើម្បីជួយដល់បងប្អូនប្រជាពលរដ្ឋ ។ គ្រូពេទ្យ គឺមានតួនាទីយ៉ាងសំខាន់នៅក្នុងការជួយសង្គ្រោះដល់អាយុជីវិតរបស់មនុស្ស ឲ្យរស់រានមានជីវិតឡើងវិញ ។ ដោយឡែកនៅថ្ងៃនេះមានបងប្អូនជាច្រើន មិនជាគ្រូពេទ្យ ឬ បងប្អូនប្រជាពលរដ្ឋ បានបង្ហាញអារម្មណ៍សោកស្តាយ បំផុតបំពោះការបាត់បង់ គ្រូពេទ្យដ៏ល្អម្នាក់នេះ។
ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា លោកគ្រូពេទ្យ Chan Tola បានបង្ហោះសារថា " 15/05/2020ពេលទទួលដំណឹងថាលោកគ្រូ វេជ្ជបណ្ឌិត បានទទួលមរណៈភាព វាពិតជាលឿនពេកហើយពួកយេីងស្ទើរតែមិនជឿ មន្ទីរពេទ្យយេីងបាត់បង់ធនធានមនុស្សដែលជាវេជ្ជបណ្ឌិត(ប្រធានផ្នែកសង្រ្គោះបន្ទាន់មន្ទីរពេទ្យខេត្តរតនគិរី)ដ៏ ពូកែនិងមានចិត្តធម៌ ពួកយេីងខ្ញុំសូមចូលរួមរំលែកទុក្ខចំពោះគ្រួសារសពផង។ លោកវេជ្ជបណ្ឌិតតែងតែជួយព្យាបាលនិងសង្គ្រោះអ្នកជំងឺរាប់ម៉ឺននាក់ដែលជាប្រជាពលរដ្ឋក្នុងខេត្តរតនគីរី ???សូមវិញ្ញាណក្ខន្ធរបស់លោកវេជ្ជបណ្ឌិតទៅកាន់សុគតិភព??? "។
ចំណែកម្ចាស់គណនីហ្វេសប៊ុកមួយដែលមានឈ្មោះថា Vanna Lay Leakena បានបង្ហោះសារបន្ថែមថា "មិនត្រឹមតែមានរូបរាងស្រស់សង្ហា និង ប្រាជ្ញាឈ្លាសវៃ ប៉ុន្តែលោកក៏ជាគ្រូពេទ្យម្នាក់ដែលតែងតែយកចិត្តទុកដាក់ព្យាបាលអ្នកជំងឺទាំងយប់ទាំងថ្ងៃមិនដែលត្អូញត្អែរទោះលោកកំពុងស្ថិតនៅក្នុងស្ថានភាពជំងឺធ្ងន់ធ្ងរក្តី។
ខ្ញុំនៅចាំបានថា គ្រាមួយដែលលោកនៅមានកំលាំងរឹងមាំហើយក៏ជាគ្រាមួយដែលមន្ទីរពេទ្យបង្អែកខេត្តរតនគិរីនៅមានការខ្វះខាតវេជ្ជបណ្ឌិត លោកបានយាមប្រចាំការស្ទើរតែ២៤ម៉ោងដោយមិនមានពេលសំរាក មិនថាថ្ងៃបុណ្យទានឬ ថ្ងៃសៅរ៍អាទិត្យ។ ប៉ុន្តែលោកនៅតែបម្រើការងារយ៉ាងយកចិត្តទុកដាក់ដោយមិនខ្វល់ពីការនឿយហត់។ ក្រៅពីនេះលោកក៏ជាគ្រូបង្រៀនផ្នែកវេជ្ជសាស្រ្តដ៏ល្អបំផុតម្នាក់ដែលខ្ញុំបានស្គាល់។ លោកតែងតែចំណាយពេលវេលាដ៏មានតម្លៃរបស់លោក បង្ហាត់បង្រៀនដល់និស្សិតពេទ្យដែលចុះកម្មសិក្សាដោយមិនលាក់លៀម។
ការបាត់បង់លោកពីភពផែនដី គឺជាការបាត់បង់ធនធានមនុស្សដ៏កម្រដែលមិនអាចកាត់ថ្លៃបាន និង ជាទីសោកស្តាយបំផុត។សូមដួងវិញ្ញាណក្ខន្ធ័លោកវេជ្ជបណ្ឌិតសំ បារមី បានទៅកាន់សុគតិភពកុំបីឃ្លៀងឃ្លាតឡើយ"។
ប្រភព៖ Chan Tola
