កាលពីថ្ងៃទី១៤ ខែឧសភា ឆ្នាំ២០២០ វេលាម៉ោង១៤ និង០០នាទី ប៉ុស្តិ៍នគរបាលរដ្ឋបាលគោកឃ្លាង បានធ្វើការឃាត់ខ្លួនជនសង្ស័យ ដែលជាអ្នកទទួលទិញនូវផលចោរកម្មម្នាក់ មកធ្វើការសួរនាំ នៅប៉ុស្តិ៍នគរបាល នៅចំណុចផ្ទះលេខ៥៧ ផ្លូវបេតុង ក្រុម១ ភូមិដំណាក់ សង្កាត់គោកឃ្លាង ខណ្ឌសែនសុខ។
បើយោងតាមការចុះផ្សាយរបស់ អគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យរូបនោះមានឈ្មោះថា ឡា តា ភេទប្រុស អាយុ៣២ ជនជាតិខ្មែរ មុខរបរលក់ដូរ ស្នាក់នៅផ្ទះជួលលេខ១៨០ ផ្លូវជាតិលេខ៥ ភូមិបឹងឈូក សង្កាត់គីឡូតិ៍ម៉ែត្រលេខ៦ ខណ្ឌឬស្សីកែវ (មានសារធា តុ ញៀ ន) ។
ចំណែកជនរងគ្រោះមានឈ្មោះថា យ៉ាន ម៉េងហៃ ភេទប្រុស អាយុ៣២ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ៥៧ ផ្លូវបេតុង ក្រុម១ ភូមិដំណាក់ សង្កាត់គោកឃ្លាង ខណ្ឌសែនសុខ ។
ជាមួយគ្នានោះផងដែរ សមត្ថកិច្ច បានធ្វើការដកហូតរថយន្តមួយគ្រឿងម៉ាក ឡិចស៊ីសRX៣០០ ពណ៌ស ផលិតឆ្នាំ២០០៤ ពាក់ស្លាកលេខភ្នំពេញ2AD-7263 និង ម៉ូតូ០១គ្រឿង ម៉ាកនិច ពណ៌ខៀវលាយស ផលិតឆ្នាំ២០១៨ ពាក់ស្លាកលេខភ្នំពេញ 1HB-4710។ សមត្ថកិច្ចបានធ្វើការពិនិត្យទៅលើជនសង្ស័យ ឃើញមានសារធាតុញៀន។
បើយោងតាមសារព័ត៏មានក្នុងស្រុកមួយបានឲ្យដឹងថា ជនសង្ស័យរូបនេះ គឺជាអ្នកទទួលទិញនូវផលចោរកម្មទេ (មិនបានធ្វើសកម្មភាពគាត់ទ្វាផ្ទះលួចយកឡាន) ព្រមទាំងក្នុងខ្លួនមានសារធាតុញៀ នផងដែរ។
បច្ចុប្បន្នសមត្ថកិច្ចកំពុងកំណត់មុខសញ្ញាចោរពិតប្រាកដលួច រថយន្ត និងម៉ូតូ ដើម្បីយកមកផ្តន្តាទោស៕
