ខេត្តកំពង់ស្ពឺ ៖ បុរសម្នាក់ មានទំ នា ស់ពាក្ យសំដីជាមួយប្រពន្ធ ក៏បានវេចបង្វេចទៅផ្ទះម្តាយ ព្រោះតែចង់ឲ្យប្រពន្ធតាមអង្វរ ឲ្យត្រឡប់មកផ្ទះវិញ ពេលប្រពន្ធតេហៅឲ្យត្រឡប់មកផ្ទះវិញ អរនោះសែនអរ ក៏បានជិះម៉ូតូត្រឡប់មកផ្ទះប្រពន្ធវិញ ស្រាប់តែដល់ពាក់កណ្តាលផ្លូវស្រាប់តែដួលម៉ូតូបណ្តាលបែកក្បាល និងរលាត់ដៃជើង ហើយត្រូវបានក្រុមគ្រួសារដឹកទៅមន្ទីរពេទ្យ ហេតុការណ៍នេះបានកើតឡើងនៅចំណុច ផ្លូវលំក្នុងភូមិក្រាំងត្រឡាច ឃុំស្គុះ ស្រុកសំរោងទង ខេត្តកំពង់ស្ពឺ កាលពីថ្ងៃទី១៧ ខែឧសភា ឆ្នាំ២០២០។
បុរសរូបនោះមានឈ្មោះថា ម៉ាប់ រតនៈ អាយុ៣៧ឆ្នាំ មានទីលំនៅក្នុងភូមិឃុំ ខាងលើ ។
បើតាមសំដីប្រពន្ធបានឲ្យដឹងថា នៅមុនពេលកើតហេតុ គាត់និងប្តីរបស់គាត់មានទំនាស់ពាក្យសំដីគ្នាបន្តិចបន្តួច ទើប្តីរបស់គាត់បានវេចបង្វេចទៅផ្ទះម្តាយ ពេលទៅដល់ស្រាប់តែគាត់ជួបជុំសាច់ញាតិបងប្អូន បបួលគ្នាផឹកស៊ីរហូតដល់ស្រវឹងស្រឿងៗ គ្រាន់តែបានលឺសំលេងទូរស័ព្ទរោរ៍ និងបានលឺសំលេងប្រពន្ធតេអង្វរឲ្យត្រឡប់មកផ្ទះវិញនោះ ក៏ទន់ចិត្តហើយជិះម៉ូតូទាំងស្រវឹងទៅផ្ទះប្រពន្ធវិញ។
នៅក្នុងពេលធ្វើដំណើរនោះ ស្រាប់តែងងឹតមុខដួលម៉ូតូ បណ្តាលឲ្យបោកក្បាលសន្លប់តែម្តង លុះដឹកខ្លួនវិញ គឺនៅក្នុងមន្ទីរពេទ្យបាត់ទៅហើយ ខណៈពេលដែលបើកភ្នែកមកឃើញមុខប្រពន្ធ កំពុងតែនៅជិតខ្លួននោះ គាត់សប្បាយចិត្តយ៉ាងខ្លាំង ។ បន្ទាប់ពីបានធូរហើយនោះក៏សូមគ្រូពេទ្យ ចេញពីមន្ទីរពេទ្យត្រឡប់ទៅផ្ទះវិញ ព្រោះមានគ្រូពេទ្យពិសេស ជាប្រពន្ធ នៅចាំមើលថែបន្ថែម ឲ្យឆាប់ជាសះស្បើយហើយ៕
