នៅមុននេះបន្តិចនៅលើបណ្តាញសង្គមហ្វេសប៊ុករបស់លោក ផែង វណ្ណៈ បានលើកឡើងថា "បងប្អូនណាស្គាល់ផ្ទះក្មេងលួចទុរេនប្រាប់ខ្ញុំផងខ្ញុំចង់ទិញទុរេន១០គីឡូអោយគាត់ហូប បេីមានលេខ ទូរស័ព្ទ ឪពុកម្ដាយក្មេងនោះប្រាប់ខ្ញុំផង ។ សូមអរគុណ !"។
គួរបញ្ជាក់ផងដែរថា ក្រោយពេលបានគិតពិចារណា និងធូរចិត្តដែលខឹងបន្តិចហើយ ម្ចាស់ចម្ការទុរេន ក៏បានសូមឲ្យសមត្ថកិច្ចយើង គ្រាន់តែធ្វើការអប់រំទៅលើយុវជនទាំងបីរូបនោះបានហើយ ដោយគាត់មិនទាមទារសំណងអ្វីទាំងអស់។
ហេតុការណ៍នេះកើតឡើងកាលពីព្រឹកថ្ងៃទី២៥ ខែឧសភា ឆ្នាំ២០២០ ត្រង់ចំណុចចម្ការទុរេនមួយកន្លែង ស្ថិតក្នុងភូមិសាស្ត្រភ្នំវល្លិ៍ ជាប់ព្រំប្រទល់រវាងខេត្តកែប និងខេត្តកំពត។ យោងតាមប្រភពពីសមត្ថកិច្ចបានឲ្យដឹងថា កាលពីវេលាខាងលើ ក្មេងជំទង់បីនាក់រួមមាន ៖ ទី១-ឈ្មោះ ល ត ភេទប្រុស អាយុ១៦ឆ្នាំ ជាសិស្ស ,២-ឈ្មោះ ស ឯ ភេទប្រុស អាយុ១៦ឆ្នាំ ជាសិស្ស និងទី៣-ឈ្មោះ ស ច ភេទប្រុស អាយុ១៥ឆ្នាំ ជាសិស្ស អ្នកទាំងបីមានទីលំនៅភូមិកណ្តាលទួល ឃុំកំពង់ត្រាចខាងលិច ស្រុកកំពង់ត្រាច បានទៅស៊ីឈ្នួលបេះម្រេចឲ្យគេនៅភូមិសាស្ត្រកើតហេតុ។ លុះបន្តិចក្រោយមក ក្មេងប្រុសទាំងបីនាក់ បានជិះម៉ូតូបំណងទៅចាក់សាំង ហើយក៏ឃើញផ្លែទុរេនក្នុងចម្ការគេក្បែរនោះ ក៏ចូលទៅលួចបេះ១ផ្លែ បំណងហែកចែកគ្នាហូប ស្រាប់តែម្ចាស់គេឃើញ ក៏ស្រែកឆោឡោតែម្ដង។
យោងតាមសមត្ថកិច្ចបានបន្តថា ខណៈដែរក្មេងៗទាំងនោះកំពុងតែលួចបេះផ្លែធុរេនបានមួយផ្លែហើយ ក្មេងៗទាំងបីនាក់ក៏ជិះម៉ូតូឌុបគ្នាបម្រុងគេងខ្លួន តែអ្នកយាមនៅចំការនោះឃើញ ក៏ផ្អើលឆឡោហើយ នាំគ្នាដេញចាប់តាមរហូតដល់ផ្ទះក្មេងៗទាំងបី ដែលរស់នៅភូមិកណ្តាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត ហើយចាប់បញ្ចូនឲ្យសមត្ថកិច្ចចាត់ការ ហើយទារសំណងផ្លែទុរេនមួយផ្លែ គឺ ១ពាន់ដុល្លារ ស្មើនឹង ៤,០០០,០០០រៀល។
ប្រភព៖ ផែង វណ្ណៈ
.jpg?1711518506)
.jpg?1711449474)
.png?1711277130)
.jpg?1711253609)
.png?1711277130)
.jpg?1711449474)
.jpg?1711517593)
.jpg?1711518506)
.jpg?1711253609)