ភ្នំពេញ៖ អតីតតារាស្រីរូបនេះ បានបង្ហាញក្តីរំភើបអំឡុងពេល ដែលខ្លួនជិតបានឃើញមុខកូនស្ងួនមាសម្តាយ ផ្ទាល់ហើយ ។ ការទន្ទឹងរងចាំនេះ ពិតជាធ្វើឲ្យអ្នកម្តាយរូបនេះ សប្បាយរកអ្វីប្រៀបផ្ទឹមពុំបាននោះទេ។ ចំណែកលោកឪពុកវិញ អង្គុយមិនស្ងៀម ឈរមិនស្ងៀម ព្រោះតែចង់ឃើញមុខកូនឆាប់ៗ។

នៅមុននេះបន្តិច អតីតតារាចម្រៀង​ និងជាអ្នកលក់អនឡាញដ៏ល្បីឈ្មោះ អ្នកនាង ម៉ូលីកា បានសម្រាលកូន ប្រកបដោយជោគជ័យ និងមានសុវត្ថិភាព ទាំងម្តាយទាំងកូន ដែលជាកូនស្រីដ៏ស្រស់ស្អាត គួរឲ្យក្នាញ់ មុខមាត់វិញ ក៏រឹតតែគួរឲ្យក្នាញ់ថែមទៀត ដែលអូនតូចមានឈ្មោះថា នុន ចន្ទម៉ូនីតា។

ដំណឹងដ៏រំភើបមួយនេះ បានធ្វើឲ្យអ្នកគាំទ្រជាច្រើន សម្តែងការត្រេកអរ និង រំភើប ជំនួស និងជូនពរឲ្យអ្នកនាងទាំងពីរ មានសុខភាពរឹងមាំ សូមឲ្យអ្នកម្តាយថែទាំសុខភាពផងដែរ។