ភ្នំពេញ៖ នៅថ្ងៃនេះតារាចម្រៀង អ្នកនាង សួស វីហ្សា និងតារាសម្តែង លោកថម មី បានទទួលសមាជិកថ្មី ដែលមានមុខមាត់គួរឲ្យក្នាញ់ គួរឲ្យស្រលាញ់ ថ្នាក់ថ្នម ធ្វើឲ្យមហាជន ជាច្រើន ក៏ដូចជាហ្វេនៗ​របស់តារាចម្រៀងស្រីរូបនេះ ពិតជាគ្រឺតខ្លាំងមែនទែន។ ទន្ទឹមនិងនេះ មានបងប្អូនជាច្រើន បានបង្ហាញអារម្មណ៍ត្រេកអរ និងជូនពរដល់អ្នកនាង សួស វីហ្សា ហើយនិងកូនស្រី ឲ្យមានសុខភាពល្អផងដែរ។

ជាក់ស្តែងបន្ទាប់ពីសម្រាលបានកូនស្រី ដ៏គួរឲ្យស្រលាញ់ ភ្លាមនោះ លោកថម មី ដែលជាស្វាមី របស់តារាចម្រៀង​អ្នកនាង សួស វីហ្សាក៏បានបង្ហោះរូបភាពជាច្រើន សន្លឹកដើម្បីឲ្យបងប្អូនឃើញ អមជាមួយសារថា "ទីបំផុតកាដូនៃចំណងដៃរៀបការរបស់ពួកខ្ញ៉ំទាំងពីរនាក់គឺកូនស្រីដ៏ឆ្លាតរបស់ប៉ាម៉ាក់បានសម្រាលដោយជោគជ័យនិងសុវត្តិភាព កូនស្រីបានមកឃើញពិភពលោកដ៏ស្រស់ស្អាតនិងជ្រកក្រោមម្លប់នៃសុខសន្តិភាពហើយ សមាជិកថ្មីនៃក្រុមគ្រួសារយើងខ្ញ៉ំនិងជាបេះដូងនៃ ប៉ាៗTommy ម៉ាក់ៗ Sous Visa។ កូនស្រីមានឈ្មោះថា ថង សាម៉ូលីណា ហៅ Jenny កើតនៅថ្ងៃទី 09 ខែ 10 ឆ្នាំ 2020 វេលាម៉ោង 9:09 នាទីព្រឹក (Am) អូនកើតឆ្នាំជូត (តំណាងសត្វកណ្តុរមាស) សូមអរគុណបងប្អូនដែលបានជូនពរនិងផ្តល់ជាកំលាំងចិត្តមកកាន់ក្រុមគ្រួសាររបស់យើងខ្ញ៉ំ ខ្ញ៉ំតំណាងអោយគ្រួសារទាំងមូលសូមអរគុណបងប្អូនទាំងអស់គ្នាខ្លាំងមែនទែន ខ្ញ៉ំនិងភរិយាសប្បាយចិត្តណាស់"។

លោកបានបន្តទៀតថា "ទឹកចិត្តជាឪពុកតួនាទីជាប្តីជាមេគ្រួសារ និងជាម្តាយជាម្ចាស់ទឹកដោះម្តាយថ្លៃ ពេលនេះទើបបានដឹងកាន់តែច្បាស់ ព្រោះតែមានកូននេះហើយកូនស្រី ( ថង សាម៉ូលីណា ) 09 . 10 . 2020 ឆ្នាំជូត តំណាងកណ្តុរមាស​ Sous Visa Sous Visa Tommy Tommy Real "។