បើនិយាយពីការវិវាទគ្រួសាររវាងកីឡាករប្រដាល់គុនខ្មែរលោក ធឿន​ ធារ៉ា ជាមួយនឹងប្រពន្ធដើមរបស់លោកមានឈ្មោះថាម៉ីម៉ី ក្រោយរៀបការរួចប្ដីប្រពន្ធ មួយគូនេះមានកូនស្រីមួយម្នាក់មុនបែកបាក់គ្នា ចំណែកឯការបែកបាក់គ្រួសាររវាងប្ដីប្រពន្ធមួយគូនេះដោយសារមានជនទី ៣ចូលមកក្នុងជីវិតគ្រួសាររបស់ពួកគេកាលពីកន្លងទៅ។

មកទល់ពេលនេះ អតីតភរិយារបស់ ធឿន ធារ៉ា បានលះលែងគ្នាដាច់ស្រេច ហើយក៏បានរៀបការជាមួយប្រពន្ធថ្មី កាលពីពេលកន្លងទៅ រឿងនេះហាក់បីដូចជាស្ងាត់ហើយ គ្រាន់តែគេសង្កេតឃើញថា អតីតភរិយា ធឿន ធារ៉ា មិនទាន់ដាច់អាល័យរហូតដល់មកមើលការប្រកួតដណ្ដើមបានខ្សែក្រវាត់កម្រិតពិភពលោករបស់ ធារ៉ា។

គួរបញ្ជាក់ផងដែរថា កីឡាករគុនខ្មែរដ៏ល្បី ធឿន ធារ៉ា បានសម្រេចមហិច្ឆតារបស់ខ្លួនដណ្ដើមបានខ្សែក្រវាត់កម្រិតពិភពលោក និងផ្ទះវីឡាកូនកាត់មួយខ្នង ក្រោយផ្ដួលដៃគូ៣ប្រកួតក្នុងព្រឹត្តិការណ៍​ប្រដាល់​គុន​ខ្មែរ​ជើងឯក​៨​ប្រទេសឬ8 MEN TOURNAMENT ដែល​រៀបចំ​ឡើង​ដោយ​ស្ថានីយទូរទស្សន៍​ក្នុងស្រុកមួយ កាលពី​ថ្ងៃ​ទី​១៦ ​វិច្ឆិកា​ កន្លងទៅនេះ​។