ភ្នំពេញ៖ ក្រោយ Miss Grand Cambodia លំដាប់​លេខ​១​កញ្ញា សេង រដ្ឋា បានប្រកាស​លាលែង​ពី​ដំណែង​ក្រោយ​មាន​បញ្ហា​ជាមួយ​អ្នកដឹកនាំ​កម្មវិធី​លោក អ៉ិ​ន សុ​ភិន នោះ ស្រាប់តែ​បវរកញ្ញា​លំដាប់​រង​ទី​១​របស់​យើង​គឺ​កញ្ញា លឹម សុធាវី​ដែល​នឹងត្រូវ​បន្ត​តំណែង​ប្រកួត​លើ​ឆាក​អន្តរជាតិ​ជំនួស​កញ្ញា សេង រដ្ឋា បានប្រកាស​បដិសេធ​មិន​ទទួលយក​ដំណែង​នេះ​ដូចគ្នា​។​

ទាក់ទង​ទៅ​និង​បញ្ហា​នេះ​ប្រសិនបើ​កញ្ញា លឹម សុធាវី ដែលជា​បវរកញ្ញា​លំដាប់​រង​ទី​១​របស់​យើង​មិន​ទទួល​ដំណែង​ពី​កញ្ញា សេង រដ្ឋា នោះ​ខាង​ស្ថាប័ន​អាច​និង​ពិចារណា ប្រគល់​ដំណែង​នេះ​ឱ្យទៅ​បវរកញ្ញា លីវ ជីវ​លី ដែលជា​លំដាប់​រង​ទី​២ Miss Grand Cambodia 2020-2021។

យ៉ាងណាមិញ ចំពោះរឿងដែលកំពុងតែច្របូកច្របល់នេះ ក៏ត្រូវបានចែករំលែកនូវខ្លឹមសារជាច្រើន ដែលដាក់បន្ទក់តែម្ចាស់កម្មវិធី ជាក់ស្តែងគឺដោយសារតែពួកគាត់មិនបានគោរពទៅតាមគោលការណ៍របស់ក្រុមហ៊ុន នេះជាការរៀបរាប់របស់ផេក“ Miss Grand Cambodia ក្រោយពីភាគីខាងក្រុមហ៊ុនបានជួបកិច្ចពិភាក្សាជាមួយនិងភាគីខាង កញ្ញាលឹម សុធាវីរួចមក គឺកញ្ញាបានបដិសេដ មិនព្រមទទួលតំណែងបន្តជាកញ្ញាឯក Miss Grand Cambodia 2020 តាមការស្នើររបស់ក្រុមហ៊ុន ដើម្បីចេញទៅប្រកួតនៅលើឆាកអន្តរជាតិគឺ Miss Grand International 2020 ដែលប្រព្រឹត្តធ្វើឡើងនៅទីក្រុងបាងកកដើមខែមិនា ឆ្នាំ២០២១ខាងមុខនោះទេ ដូចនេះ “ក្រុមហ៊ុនបានសម្រេចបញ្ចប់កិច្ចកុងត្រាជាមួយកញ្ញាលឹម សុធាវី និងកំណត់សម្រេចដកហូតតំណែងលំដាប់រងទី១កញ្ញាឯក 1st Runner Up Miss Grand Cambodia 2020 ជាផ្លូវការចាប់ពីពេលនេះតទៅ” សូមបណ្តាអ្នកគាំទ្រទាំងអស់មេត្តាពិនិត្យមើលកិច្ចព្រមព្រៀងចុងក្រោយ និងកុងត្រាដែលភាគីខាងក្រុមហ៊ុនបានធ្វើរួមគ្នាជាមួយ ភាគីខាងកញ្ញាលឹម សុធាវី”៕