ការឆ្លងមេរោគផ្សិតអាចជាការបំផ្លិចបំផ្លាញយ៉ាងធ្ងន់ធ្ងរ ពីព្រោះផ្សិតខ្មៅប្រភេទនេះកម្រនិងឆ្លង ប៉ុន្ដែផលប៉ះពាល់របស់វាពិតជាមានគ្រោះថា្នក់ខ្លាំងណាស់ ហើយជារឿយៗវាបង្កជាផលប៉ះពាល់ដល់ប្រហោងឆ្អឹង សួត ស្បែក និងខួរក្បាល។ ហើយអ្វីដែលកាន់តែគ្រោះថ្នាក់ខ្លាំងនោះគឺការឆ្លងចំពោះអ្នកជំងឺដែលឆ្លងនូវវីរុសកូវ៉ូណា ដែលវាកំពុងតែបន្ថែមបន្ទុកនៃការរងទុក្ខវេទនានៅក្នុងប្រទេសឥណ្ឌាដែលកំពុងតែឆ្លងកាន់តែខ្លាំងចំពោះរលកទីពីនៃការរីករាលដាលនៃជំងឺ Covid-19 ទ្វេរដងនៅក្នុងប្រទេសមួយនេះ ។

នេះបើយោងតាមរបាយការណ៍បរទេសមួយស្ដីពីប្រទេសឥណ្ឌានៃការឆ្លងមេរោគដែលមានឈ្មោះថា mucormycosis ដែលជារឿយៗត្រូវបានគេហៅថា "ផ្សិតខ្មៅ" ដែលបានកំពុងតែឆ្លងទៅដល់អ្នកជំងឺដែលកំពុងតែឆ្លងជំងឺ Covid-19 ឬអ្នកដែលកំពុងជាសះស្បើយពីជំងឺឆ្លងនៃជំងឺនេះផងដែរ។

គិតត្រឹមខែមីនាឆ្នាំនេះមានករណី ៤១ ករណីនៃការឆ្លងជំងឺផ្សិតខ្មៅ ដែលទាក់ទងនឹងជំងឺ កូវីដ-១៩ ត្រូវបានគេចងក្រងជាឯកសារនៅជុំវិញពិភពលោកដោយបានរកឃើញថាប្រទេសឥណ្ឌាមានអ្នករងផលប៉ះពាល់ដោយសារការឆ្លងនៃមេរោគផ្សិតខ្មៅចំនួន ៧០ ភាគរយ របាយការណ៍បានបង្ហាញថាចំនួនករណីនាពេលបច្ចុប្បន្នគឺខ្ពស់ជាងនេះទៅទៀត ហើយវាកាន់តែអាក្រក់ទៅទៀតដោយសាររលកនៃការឆ្លងរាលដាលនៃ Covid-19 នៅក្នុងប្រទេសឥណ្ឌាមួយនេះយ៉ាងគំហុក។

តើ mucormycosis ឬផ្សិតខ្មៅគឺជាអ្វី?

Mucormycosis ដែលពីមុនត្រូវបានគេស្គាល់ថា zygomycosis គឺជាប្រភេទជំងឺដែលឆ្លងបណ្តាលមកពីផ្សិតជាច្រើនដែលជាខ្សែស្រលាយនៃផ្សិត "Mucorales" ។ ផ្សិតនៅក្នុងខ្សែស្រលាយនេះច្រើនតែត្រូវបានគេរកឃើញនៅក្នុងបរិស្ថានធម្មជាតិ- នៅក្នុងដី ឧទាហរណ៍និងជាញឹកញាប់ត្រូវបានគេរកឃើញនៅក្នុងការបំបែកសម្ភារៈសរីរាង្គដូចជាផ្លែឈើនិងបន្លែជាដើម។

នៅក្នុងមន្ទីរពិសោធន៍ផ្សិតទាំងនេះលូតលាស់យ៉ាងឆាប់រហ័សនិងមានរូបរាងស្រអាប់ពណ៌ត្នោតខ្មៅ។ នៅពេលដែលមានជំងឺឆ្លងមេរោគពីផ្សិតនេះ ជាលិកានៃផ្សិតមួយនេះវាអាចលូតលាស់បានល្អនៅសីតុណ្ហភាពក្នុងរាងកាយនិងក្នុងបរិយាកាសអាស៊ីត។ ផ្សិតនៅក្នុងខ្សែស្រលាយ Mucorales ត្រូវបានគេចាត់ទុកថាជាមេរោគឱកាសនិយមមានន័យថាពួកគេច្រើនតែឆ្លងទៅមនុស្សដែលមានប្រព័ន្ធភាពស៊ាំចុះខ្សោយឬមានជាលិកាខូច។

សម្រួលអត្ថបទដោយ៖ SOPHEA

ប្រភព៖ BBC