ឧកញ៉ា ម៉េន កានី នាយកក្រុមហ៊ុន ជី-អិម ត្រេឌីង ឯ.ក ចុះចែកអំណោយដល់ប្រជាពលរដ្ឋ ដើម្បីប្រយុទ្ធប្រឆាំងទប់ស្កាត់ការរីករាលដាល នៃជំងឺកូវីដ-១៩
សីហា
- 1250

ភ្នំពេញ៖ ដោយមើលឃើញស្ថានភាពកូវីដ-១៩ មិនទាន់ធូរស្រាលនៅឡើយ សម្រាប់ប្រទេសកម្ពុជា ឧកញ៉ា ម៉េន កានី នាយកក្រុមហ៊ុន ជី-អិម ត្រេឌីង ឯ.ក (GM Trading Co. Ltd) បានចុះមកចែកអំណោយដល់ប្រជាពលរដ្ឋ រួមមាន អង្ករ២តោន មី២០កេសធំ ត្រីខ២០កេសធំ ម៉ាស៥០០០ម៉ាស និងទឹកបរិសុទ្ធវីតាល់៤០កេស ដើម្បីគាំទ្រសកម្មភាពផ្សេងៗក្នុងការប្រយុទ្ធប្រឆាំងទប់ស្កាត់ការរីករាលដាល នៃជំងឺកូវីដ-១៩។

រដ្ឋបាលស្រុកស្រែអំបិល សូមថ្លែងអំណរគុណយ៉ាងជ្រាលជ្រៅជាទីបំផុតចំពោះ ឧកញ៉ា ម៉េន កានី ដែលបានចូលរួមឧបត្ថម្ភដល់ប្រជាពលរដ្ឋដែលខ្វះខាត ហើយក៏សូមជូនពរឲ្យលោកឧកញ៉ា ជួបប្រទះតែនឹងពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

ចំពោះស្ថានភាពនៃជំងឺកូវ១៩ គិតត្រឹមព្រឹកថ្ងៃទី២១ ខែមិថុនា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន៤៣,៤៤៦នាក់ ក្នុងនោះអ្នកជាសះស្បើយសរុបចំនួន៣៨,០០៣នាក់ និងស្លាប់សរុបចំនួន ៤៤១នាក់៕