ភ្នំពេញ៖ ពីមួយថ្ងៃទៅមួយថ្ងៃជំងឺ “រំដួល​លិចទឹក” កាន់តែវិវឌ្ឍន៍ទៅៗ ដោយសារតែធ្លាក់ខ្លួនឈឺធ្ងន់ ដែលមានសភាពស្គមស្គាំង ហើយគាត់ក៏បានបង្ហោះក្នុង Story ថា “ខ្ញុំបាទ នាងខ្ញុំសូមធ្វើការសូមទោសចំពោះ បណ្តាក្រុមហ៊ុនមួយចំនួនក៏ដូចជាក្រុមការងារសង្គមទាំងអស់ដែលបានទំនាក់ទំនងការងារមកកាន់រូបខ្ញុំ ហើយរូបខ្ញុំរៀបចំមិនទាន់ពេលវេលា ក៏ដូចជា ដឹកខកខានមិនបានចូលរួម ដោយសាររូបខ្ញុំមានជំងឺ សុខភាពទ្រុឌទ្រោម ខ្លាំងរយៈពេលជិត៣ខែហើយ ដែលធ្វើឱ្យរូបខ្ញុំមិនអាចចូលរួមការងារឬ បំពេញការងារជូនទាន់ពេលវេលា ដូចច្នេះរូបខ្ញុំសូមលើកម្រាមដៃដប់ធ្វើការសុំទោស និងសំុការ យោគយល់អធ្យាស្រ័យដល់រូបខ្ញុំផង នេះហើយជាមូលហេតុដែលបាត់រូបខ្ញុំរយៈពេល យ៉ាងយូរពីការងារគ្រប់យ៉ាង និបាត់មុខពីបណ្តេញ សង្គមផងដែរ ។

តាមប្រភពបានឲ្យដឹងថា បុរសសម្បុរ​ស្រអែមចរិតស្រី​វ័យ ២៨ ឆ្នាំ​បាន​រំលេច​ស្ទីល​តែង​ខ្លួន​ប្លែកៗ​ដោយយក​របស់របរ​ប្រើប្រាស់​ប្រចាំថ្ងៃ​ សត្វ ​និង​រុក្ខជាតិនានា​ ​មកតុបតែង​លើក្បាល និង​រាងកាយ រួច​ថត​រូប​បង្ហោះ​ក្នុង​ទំព័រហ្វេសប៊ុក​របស់​ខ្លួនដែល​បង្កឲ្យមាន​ការចាប់អារម្មណ៍​ខ្លាំងពី​ប្រិយមិត្ត​​ទាំង​ក្នុង និង​ក្រៅ ប្រទេសមាន​ ថៃ និង​ ម៉ាឡេស៊ី ឥណ្ឌូនេ​ស៊ី ជាដើម គាត់ដែលតែងតែផាត់មុខ​តុបតែង​ខ្លួន​តាម​រូបភាព​លើ​កំប៉ុង​ម្សៅភេសាត់ ហើយ​បង្ហោះ​តាមទំព័រហ្វេ​សប៊ុក ដែលមានឈ្មោះពិតថា ​“ម៉ិញ​ ចាន់​វ៉ាន់ដា” គាត់បានក្លាយជាតារា​ម៉ូ​ដែល​ល្បី​ខាង​សិល្បៈ​តុបតែង​ខ្លួន​ប្លែកៗ​រហូត​មាន​អ្នកគាំទ្រ​តាម​ហ្វេសប៊ុក ដល់ទៅ​ជាងរាប់ម៉ឺននាក់។ ​

យ៉ាងណាមិញ កាលពីថ្ងៃទី០៣ ខែសីហា ឆ្នាំ២០២១នេះ ក៏បានបង្ហោះសារមួយទៀត ដែលជាដំណឹងកាន់តែអាណិត រាប់ពីថ្ងៃនេះទៅនៅសល់៧ថ្ងៃទៀតជាថ្ងៃកំណើតខ្លួនឯង...ប៉ុន្តែឆ្នាំនេះមិនបាច់ហៅថាថ្ងៃកំណើតអីទេ ហៅថា រីករាយថ្ងៃកំរប់៧ថ្ងៃ ក្តា តែម្តងទៅព្រោះបើម្លឹងៗទៅហើយខួបកំណើតស្អី ! មនុស្សមិនមនុស្ស ខ្មោចមិនខ្មោច ឆ្អឹងសុទ្ធបែបនេះ! សួូម្បីតែការងារក៏មិនហ៊ានទទួលធ្វើជូនគេផងតើរស់បែបមិច!!! ដល់ថ្នាក់ខ្លួនឯងតែម្នាក់មើលថែខ្លួនឯងមិនបាន នាំអំពុលគេពេញនគរ មនុស្សស្អីអញ្ចឹង!!សូមទោសលោកពុកអ្នកម្តាយដែលកូនមើលថែខ្លួនឯងមិនបានល្អ៕