កម្សាន្ដ៖ គ្រាន់តែមានការអញ្ជើញចូលរួមនៅក្នុងកម្មវិធីកម្សាន្ដថៃមួយដែលមានឈ្មោះថា One Playground ធ្វើឲ្យទស្សនិកជនមានការហ៊ោជាខ្លាំងជាពិសេសគឺស្រីៗតែម្ដង គ្រាន់តែឃើញតារាសម្ដែងប្រុសលោក Tik Jesadaporn ឬ លោក Phi Tik ភ្លាម។ នៅក្នុងកម្មវិធីមួយនោះដែរបានអញ្ជើញលោក Tik មកស្រាយចម្ងល់ទាក់ទងជាមួយនឹងភាពប៉ិនប្រសព្វនៃការថែសម្រស់របស់លោក មិនឲ្យប្រែប្រួលទៅវិញចាស់បន្ដិចសោះ។

ភ្លាមៗនោះគ្រាន់តែលោក Tik និយាយថាបច្ចុប្បន្នលោកមានអាយុ៤០ឆ្នាំទៅហើយ ស្រាប់តែធ្វើឲ្យទស្សនិកលាន់មាត់នឹកស្មានមិនដល់នោះឡើយថាលោកមានអាយុ៤០ឆ្នាំ ពីព្រោះសម្រស់នឹងអាយុមានភាពខុសគ្នាឆ្ងាយណាស់ ។

នៅពេលនោះដែរពិធីករស្រីក៏ចាប់ផ្ដើមសួរលោកថា មានហ្វេនៗជាច្រើនចឹងដឹងថា តើលោកញ៉ាំអ្វីខ្លះបានជាសម្រស់របស់លោកនៅតែមានភាពក្មេងជាងវ័យបែបនេះ? ស្រាប់តែពេលនោះលោក Tik ក៏បានឆ្លើយតបថា ខ្ញុំបរិភោគអាហារទូទៅដូចគ្រប់គ្នាដែរ លោកចូលចិត្តញ៉ាំ បាស៊ីល(ជីនាងវង) បាយជាមួយពងអូម៉ាលេត បាយលាយម្ទេសប្លោកគ្រប់មុខ សាច់ជ្រូកផាន់ណាង សាច់គោប៉ាងបែបជប៉ុន ស៊ុបShabu ជាពិសេសលឧកចូលចិត្តបរិភោគអាហារនៅផ្ទះច្រើនជាង ដែលចម្អិនដោយម្ដាយរបស់លោក ចំណែកអាហារដែលកុម្ម៉ង់តាម App លោកញ៉ាំម្ដងម្កាលតែប៉ុណ្ណោះ តែក៏ត្រូវជ្រើសរើសមុខម្ហូបក្នុងហាងនោះឲ្យបានត្រឹមត្រូវផងដែរ៕

សម្រួលអត្ថបទដោយ៖ 宋麒安

ប្រភព៖ kapook