ប៉ុន្មានថ្ងៃនេះ នៅលើបណ្តាញសង្គមហ្វេសប៊ុកមានការផ្ទុះការជជែកវែកញែកយ៉ាងខ្លាំង ទៅលើបេក្ខភាព Cambodia idol រដូវកាលទី ៤ ដែលមានឈ្មោះថា ទុំ រដ្ឋា ដោយទទួលបាន Yes តែពីរ ហើយមិនអាចបន្តទៅកាន់វគ្គបន្តទៀតបាន ជាហេតុធ្វើឲ្យមហាជន មានការសោកស្តាយជាខ្លាំងចំពោះសមត្ថភាពរបស់ប្អូនប្រុសម្នាក់នេះ។
បន្ទាប់ពីមានការវែកញែកពីមួយទៅមួយមិនចេះចប់បែបនេះ ស្រាប់តែមានម្ចាស់គណនីហ្វេសប៊ុកមួយដែលមានឈ្មោះថា Lyla Sen បានធ្វើការកាត់តវីដេអូ សំលេងរបស់លោក ណុប បាយ៉ារិទ្ធ យកទៅបង្ហោះជាហេតុធ្វើឲ្យមហាជន មានការយល់ច្រឡំ គិតថាជាសំលេងរបស់លោក តែនោះគឺជាសារសំលេងដែរបានកាត់តតែប៉ុណ្ណោះ។
ជាក់ស្តែងនៅក្នុងគណនីហ្វេសប៊ុករបស់លោក ណុប បាយ៉ារិទ្ធ បានបង្ហោះសារថា"សារសម្លេងដែលប្អូនប្រុសឈ្មោះ Lyla Sen បានបង្ហោះ គឺជាការឆាតក្នុងកំឡុងពេលគាត់ឆ្លា ក់ពីការប្រឡងក្នុងរដូវកាលទី៣ កាលពីឆ្នាំ២០១៩ ខ្ញុំបានឆ្លើយតបទៅគាត់ ពេលដែលគាត់ឆាតមកខ្ញំ ។
ហើយគាត់បានកាត់សម្លេងរបស់ខ្ញុំយកទៅបង្ហោះ tiktok ស្របពេលដែលរឿងកំពុងកើតឡើងធ្វើអោយបងប្អូនមានការយល់ច្រឡំនិងគិតថាថាសារសម្លេងរបស់ខ្ញុំនិយាយពីប្អូន ទុំ រដ្ឋាហៅសុវត្តិ តាមពិតសារសម្លេងនោះគឺជាសារតាំងពីឆ្នាំ២០១៩ ហើយកាលដែលខ្ញុំនិយាយថា ច្រៀងពិរោះតែគណៈកម្មការមានសិទ្ធមិនជ្រើសយក គឺខ្ញុំនិយាយពីលក្ខខ័ណ្ឌនៃកម្មវិធីនៅប្រទេសគេ គឺមានបេក្ខជនខ្លះច្រៀងពិរោះតែគាត់មិនត្រូវបានគណកម្មការជ្រើសរើសយក
ដោយសារគណកម្មការគាត់មិនទាន់ពេញចិត្តពីសមត្ថភាពបេក្ខជន ខ្ញុំមិនបាននិយាយពាក់ព័ន្ធនិងការធ្វើកម្មវិធីរបស់យើងដែលកំពុងតែធ្វើទេ សូមមេត្តាកុំយល់ច្រឡំបន្តរទៀត ។ ដំបូងខ្ញុំគិតថាមិនចង់បកស្រាយអ្វីវែងឆ្ងាយទេ តែដើម្បីអោយបងប្អូនយល់ច្បាស់ខ្ញុំក៏សម្រេចចិត្តនិយាយ សង្ឃឹមថាបងប្អូនកុំមានការយល់ច្រឡំទៀត ។
មានវិដេអូ៖
