អតីត តារា កំប្លែង និង ចម្រៀង វ័យក្មេង នាយ ចឺម ត្រូវបាន គេ កត់សម្គាល់ថា ក្រោយ ពេលដែល សា ង ឈ្មោះ ល្បីល្បាញ លើ វិថី សិល្ប : ប៉ុន្មាន ឆ្នាំ មកនេះ ឃើញថា ទាំង ប្រជាប្រិយភាព និងសន្ទុះ គាំទ្រ កាន់តែ ហក់ ឡើង ខ្ពស់ ដែល អាច រកបាន ប្រាក់ចំណូល ខ្ទង់ ម៉ឺន ដុល្លារ ក្នុង មួយខែៗ ។
ដោយសារតែចំណូល រកបាន មកពី ការ ឡើង ឆាក ច្រៀង និង ស ម្តែង នេះ ហើយ ទើប ធ្វើ ឲ្យ តារា មាន ដើមកំណើត មកពី ខេត្តកំពង់ស្ពឺ នាយ ចឺម អាច ប្រែក្លាយ ជីវភាព ខ្លួន ឯង និង គ្រួសារ បាន ធូរធារ មួយកម្រិត ថែមទៀត។ ឬ អាច និយាយ បាន ថា ជា ការ លើក កិត្តិយស គ្រួសារ ឲ្យ មានភា ពរីក មុខរីក មាត់ នៅក្នុង សង្គម ។
ដោយឡែកនៅកាលពីពេលថ្មីៗនេះមានការភ្ញាក់ផ្អើលមួយបន្ទាប់ពី តារាចម្រៀង នាយ ចឺម ត្រូវបានព្រះមហាក្សត្រប្រោសប្រទានគ្រឿងឥស្សរិយយស ព្រះរាជាណាចក្រកម្ពុជាថ្នាក់ ធិបឌិន្ទ។
យ៉ាងណាមិញនៅកាលពីថ្ងៃទី ២៤ ខែមករា ឆ្នាំ២០២៣ កន្លងទៅនេះ ស្ថិតនៅក្នុងឱកាសថ្ងៃបុណ្យចូលឆ្នាំចិន គេបានឃើញ តារាកំប្លែង ស្រីអ៊ីត ដែលជាមីងរបស់នាយ ចឺម បានបង្ហោះសារហៅនាយ ចឺម ថាឧកញ៉ា ពេញមាត់ នៅក្នុងសារនោះ ស្រីអ៊ុ បានរៀបរាប់ដូច្នេះថា ៖ «អរគុណឧកញ៉ាក្មួយ ទិញកាដូរអោយមីង សូមជូនពរអោយក្មួយសំណាងល្អ ជោគជ័យ ហេង ហេង លុយហូរចូលច្រើនៗ » ។
បន្ទាប់ពីបានឃើញ ស្រីអ៊ុត បង្ហោះសារដូច្នេះហើយ ធ្វើឲ្យអ្នកគាំទ្រ ក៏ដូចជាអ្នកនិយមលេងបណ្តាញសង្គមជាច្រើនបាន មានការចាប់អារម្មណ៍យ៉ាងខ្លាំង ដោយពួកគាត់មានការសង្ស័យថា នាយ ចឺម អាចនិងឡើងជាឧកញ៉ា ពិតប្រាកដមែន គ្រាន់តែលាក់បាំងភ្នែកមហាជន ។
ជាមួយគ្នានេះដែរ រឿងនាយ ចឺម ឡើងជាឧកញ៉ា នេះគឺគ្រាន់តែស្ថិតនៅក្នុងការសង្ស័យរបស់មហាជននោះទេ ចំពោះការពិតយ៉ាងណានោះគឺមានតែរងចាំ ការបញ្ជាក់ចេញប្រភពច្បាស់ការទាំងអស់គ្នា ។
គួរបញ្ជាក់ផងដែរថា នៅកាលពីឆ្នាំ២០២២ កន្លងទៅនេះព្រះព្រះមហាក្សត្រប្រោសប្រទានងារជាឧកញ៉ា ដល់អ្នកសិល្បៈច្រើននាក់ណាស់ ដោយក្នុងនោះរួមមាន តារាចម្រៀង ចម្រៀង លោក ព្រាប សុវត្ថិ តារាចម្រៀង លោក ខេមរៈ សិរីមន្ត និងលោក ហេងឡុង ជាដើម សុទ្ធតែត្រូវបានព្រះមហាក្សត្រ តែងតាំងគោរពងារមួយនេះ ៕
ដើម្បីជ្រាបច្បាស់សូមទស្សនាវីដេអូខាងក្រោមនេះ ៖
