ខ្ញុំមិនវៃនឹងជាន់គាត់បន្ថែមទេ ខ្ញុំជឿជាក់ថាឆ្លងកាត់រឿងលើកនេះទៅប្អូន Rithy នឹងកែប្រែគ្រប់បែបយ៉ាង លើការនិយាយស្ដីជាសំនួរក្នុងនាមខ្លួនជាអ្នកកាសែត ជាពិសេសគឺក្រមសីលធម៌ វិជ្ជាជីវៈសារព័ត៌មាននេះតែម្ដង។
រឿងរ៉ាវ តឹងសរសៃក រវាងអ្នកសារព័ត៍មាន ជាមួយនិងប្រជាពលរដ្ឋនេះ ដំបូងគឺបានកើតឡើងដោយសារតែមាន ករណីគ្រោះថ្នាក់ចរាចរណ៍មួយ ក្រោយឃើញបែបនេះមានបងប្រុសម្នាក់គាត់បានរត់ទៅជួយលើកម៉ូតូជនរងគ្រោះដែលបានដួល ក្រោយមក លោក សុវណ្ណរិទ្ធី ក៏បានចូលទៅប្រាប់បងប្រុសម្នាក់នោះថា កុំឲ្យលើកម៉ូតូនេះអី ព្រោះត្រូវរងចាំការវាស់វែងរបស់សមត្ថកិច្ចសិន ក្រោយឃើញលោក សុវណ្ណរិទ្ធ ប្រាប់បែបនេះ បងប្រុសដែលជាប្រជាពលរដ្ឋបានលើកដៃសំពះសូមទោស ព្រោះគាត់មិនបានដឹង ប៉ុន្តែដោយសារតែពេលនោះ លោក សុវណ្ណរិទ្ធី មានចិត្តរាងក្តៅបន្តិច ក៏កើតជាជម្លោះពាក្យសម្តី ឈានដល់ការតឹងសរសៃករ ដាក់គ្នាតែម្តងទៅ ។
តាមរយៈការនិយាយស្តី និងកាយវិការរបស់លោក សុវណ្ណរិទ្ធី នៅក្នុងពេលនោះ ធ្វើឲ្យមហាជនជាច្រើន បានសម្តែងការមិនពេញចិត្តនោះទេ ហើយពួកគាត់បាននិយាយថា លោក សុវណ្ណរិទ្ធី បានធ្វើលើសពីតួនាទីហើយ គាត់ត្រឹមតែជាអ្នកសារព័ត៍មាន គាត់មិនមានសិទ្ធនៅក្នុងការ ស្រែកសម្លុតឬតឹងសសៃករ ដាក់ប្រជាពលរដ្ឋឡើយ ។
តួនាទីរបស់គាត់គឺផ្ដល់ព័ត៌មានពិតទាន់ហេតុការណ៍ និងតាមព្រឹត្តិការណ៍ជាក់ស្ដែង ដោយពុំអាចដើរតួជាសមត្ថកិច្ច ឬឈ្លោះប្រកែកវែកញែកតឹងសរសៃកដាក់ជាមួយនរណាម្នាក់នោះឡើយ។ ក្នុងនោះ ក្នុងនាមអ្នកសារព័ត៌មាន មានតួនាទីផ្ដល់ព័ត៌មានគ្រប់ជ្រុងជ្រោយឱ្យអ្នកទស្សនាបានដឹង និងថ្លឹងថ្លែងតាមរយៈការអត្ថាធិប្បាយហេតុការណ៍ដែលខ្លួនឃើញពិត, សម្ភាសភាគីទាំងសងខាង, សម្ភាសអ្នកឃើញហេតុការណ៍, សម្ភាសសមត្ថកិច្ច, សម្ភាសបងប្រុសដែលស្ទុះទៅលើកម៉ូតូដួលនោះ។
ក្រោយឃើញបែបនេះ ស្រាប់តែ ពូចក់ ក៏បានចេញមុខមកទម្លាយថា ខ្ញុំមិនវៃនឹងជាន់គាត់បន្ថែមទេ ខ្ញុំជឿជាក់ថាឆ្លងកាត់រឿងលើកនេះទៅប្អូន Rithy នឹងកែប្រែគ្រប់បែបយ៉ាង លើការនិយាយស្ដីជាសំនួរក្នុងនាមខ្លួនជាអ្នកកាសែត ជាពិសេសគឺក្រមសីលធម៌ វិជ្ជាជីវៈសារព័ត៌មាននេះតែម្ដង៕
ដើម្បីជ្រាបច្បាស់សូមទស្សនាវីដេអូខាងក្រោមនេះ ៖
