ជាការពិតណាស់ពេលនេះ អ្នកនាង សឿ សុធារ៉ា កំពុងតែមានជំងឺប្រចាំកាយ មិនទាន់ជាសះស្បើយដូចដើមនោះទេ ហេតុដូច្នេះហើយទើប នាងមិនទាន់អាចចូលប្រឡូកនៅក្នុងវិស័យសិល្បៈដូចដើមវិញបាននោះទេ ។ ស្របពេលដែលម្តាយកំពុងធ្លាក់ខ្លួនលំបាក គេបានឃើញកូនស្រីច្បងរបស់អ្នកនាង ដែលមានឈ្មោះថា សាពូន ដារ៉ាពិមាន ជាអ្នកចេញរកលុយជួយម្តាយទាំងវ័យក្មេង តាមរយៈការថត ឬការសម្តែងនាៗទៅតាមតម្រូវការរបស់ ម្ចាស់ក្រុមហ៊ុន ។
ដោយឡែកបើយើងក្រឡេកមកមើល សមត្ថភាពរបស់កូនស្រីរបស់ អ្នកនាង សឿ សុធារ៉ា វិញគឺមិនចាញ់ម្តាយរបស់គេនោះទេ ទោះបីជា កុមារីរូបនេះនៅក្មេងមែនពិត ប៉ុន្តែ ពិមាន ចេះលេងភ្លេង ចេះច្រៀង និងសម្តែងបានយ៉ាងល្អទៀតផង ។
ហើយជាក់ស្តែងនៅកាលពីពេលថ្មីៗនេះ គេបានសង្គេតឃើញថា សឿ សុធារ៉ា ហាក់សប្បាយចិត្តឡើងវិញ ក្រោយក្រៀមក្រំមួយរយៈបន្ទាប់ពីម្តាយជាទីសំណព្វចិត្តរបស់ខ្លួនបានស្លាប់ និងស្វាមីរបស់នាងបាន លះលែងគ្នា នេះជាមូលហេតុដែលធ្វើឲ្យ សឿ សុធារ៉ា កោរសក់បួសជាដូនជីមួយរយៈ ។ តែអ្វីដែលធ្វើឲ្យមហាជនសប្បាយចិត្ត សឿ សុធារ៉ា បានបង្ហាញមុខនៅក្នុងពិធីរៀបមង្គលការ ក្មួយប្រុសប្រកបដោយទឹកមុខញញឹមញញែមនឹងមានការតុបតែងខ្លួនយ៉ាងស្រស់ស្អាត៕
ដើម្បីជ្រាបច្បាស់សូមទស្សនាវីដេអូខាងក្រោមនេះ ៖
