ជឿជាក់ថាលោកៗស្រីអ្នកនាងកញ្ញា ជាទីមេត្រី ពិតជាស្គាល់ច្បាស់ជាក់ជាមិនខាន បើនិយាយពី អ្នកលេងគុនខ្មែរមានដើមកំណើតមកពីខេត្តបាត់ដំបង កែវ រំចង់ ។ ពិតណាស់ មួយរយៈពេលចុងក្រោយមកនេះ ពុកម៉ែ បងប្អូនដែលនិយមគាំទ្រកីឡាប្រដាល់បានខកខានក្នុងការឃើញកីឡាករ កែវ រំចង់ ឡើងប្រកួតលើសង្វៀនយូរហើយ ដោយសារតែកីឡាកររូបនេះមានវ័យរាងជ្រេ ពិសេសថែមទាំងរវល់ការងាររកស៊ីផ្ទាល់ខ្លួនទៀត។
យ៉ាងណាមិញនៅកាលពីពេលថ្មីៗនេះ គេបានឃើញកំពូលកីឡាករគុនខ្មែររូបនេះបានចេញមកសម្តែងការអន់ចិត្ត ដែលរូបលោកមិនត្រូវបានជ្រើសរើស ឲ្យមានវត្តមានប្រគួតដណ្តើមមេដាយនៅ ក្នុងព្រឹត្តិការណ៍ សុីហ្គេម ឆ្នាំ២០២៣ ដែលត្រូវធ្វើឡើងនៅក្នុងប្រទេសកម្ពុជា ក្នុងពេលខាងមុខនេះ ។
នេះបើយោងតាមការលើកឡើងរបស់កីឡាករ គុនខ្មែររូបនេះបានរៀបរាប់ទាំងអន់ចិត្ត និងបង្ហាញទឹកមុខក្រៀមក្រុំដូច្នេះថា ៖ “ ហេតុអ្វីសុីហ្គេម២០២៣ គ្មានឈ្មោះ កែវ រំចង់ ? ខ្ញុំអន់ចិត្តណាស់ហេតុអ្វីមិនដាក់ឈ្មោះខ្ញុំប្រកួតតំណាងប្រទេសក្នុងសុីហ្គេមប្រទេសយើង ? ទាំងដែលខ្ញុំធ្លាប់កសាងឈ្មោះ ធ្លាប់ជួយលើកមុខមាត់ប្រទេសជាតិម្នាក់ដែរ ។ រឿងគីឡូមិនមែនជាបញ្ហាទេ ប្រសិនបើប្រាប់ថាជ្រើសរើសខ្ញុំ ខ្ញុំអាចធ្វើបាន ។ ខ្ញុំមានតែសំពះសុំបងប្អូនជួយចែករំលែកនិងផ្សព្វផ្សាយព័ត៍មានដើម្បីឲ្យខ្ញុំបានប្រកួតផង៕
ដើម្បីជ្រាបច្បាស់សូមទស្សនាវីដេអូខាងក្រោមនេះ ៖
