ប្រិយមិត្តប្រាកដជាបាន ស្គាល់រួចមកហើយពីកំពូលតារាចម្រៀងស្រី អ្នកនាង ឱក សុគន្ធកញ្ញា ដែលនាងបានប្រលូកក្នុងវិស័យចម្រៀងមួយនេះ អស់រយៈពេលជាច្រើនឆ្នាំមកហើយ តែយ៉ាងណាក៏នាងនៅតែ មានប្រជាប្រិយភាព និង មានហ្វេនៗជាច្រើនគាំទ្រនាងខ្លាំងមិនថមថយផងដែរ ។
ដោយឡែកអ្វីដែលកាន់តែគួរឲ្យមានការចាប់អារម្មណ៍នោះគឺនៅកាលពីថ្ងៃទី 6 ខែកុម្ភៈ ឆ្នាំ២០២៣ កន្លងទៅនេះ តារាចម្រៀង ឱក សុគន្ធកញ្ញា ត្រូវបានប្រកាសជាទូតសុឆន្ទៈ របស់ហាងពេជ្រ ដាណា ទ្រី ជាផ្លូវការផងដែរ នេះបើយោងតាមការបង្ហោះរបស់អ្នកស្រី ទ្រី ដាណា ។
ជាមួយគ្នានេះដែរ នៅក្នុងថ្ងៃប្រកាស ទូតសុឆន្ទៈជាផ្លូវការរបស់ ហាងពេជ្រ ដាណា ទ្រី មហាជនពិតជាមានការចាប់អារម្មណ៍ខ្លាំងទៅលើគ្រឿងពេជ្រ ដែលតារាចម្រៀង ឱក សុគន្ធកញ្ញា ផងដែរ ។ នេះបើយោងតាមការបញ្ជាក់របស់អ្នកស្រី ទ្រី ដាណា បានឲ្យដឹងដូច្នេះថា ៖
ស្វាគមន៍ បង ឱក សុគន្ធកញ្ញា ជាទូតសុឆន្ទៈ ហាងពេជ្រ ដាណា ទ្រី ចាប់ពីថ្ងៃនេះទៅ
ឈុតពេជ្រធម្មជាតិ នៅលើខ្លួនគាត់ ច្នៃម៉ូដយ៉ាងពិសេស ពីហាងនាងខ្ញុំ
ខ្សែក តម្លៃ 972,966.5$
ខ្សែដៃ តម្លៃ 198,155.5$
ក្រវិលតម្លៃ 26,452$
ចិញ្ចៀនតម្លៃ 361,212$
គួរបញ្ជាក់ផងដែរ មិនត្រឹមតែតារាចម្រៀង ឱក សុគន្ធកញ្ញា ប៉ុណ្ណោះទេដែលក្លាយជាទូតសុឆន្ទៈ របស់ហាងពេជ្រ ដាណា ទ្រី ក្នុងនោះរួមមាន តារាចម្រៀង ពេជ្រ សោភា តារាសម្តែងលោក ឆឹម សក្កដា និងតារាសម្តែងលោក សេង មង្គល ក៏ត្រូវបានប្រកាសជា ទូតសុឆន្ទៈ របស់ហាងពេជ្រ ដាណា ទ្រី ជាផ្លូវការផងដែរ៕
ចង់ដឹងកាន់តែជ្រាបច្បាស់ សូមទស្សនាវីដេអូខាងក្រោម៖
