បើនិយាយពីអ្នកនាង សេង សុឃីម ជឿជាក់ថាក់ ប្រាកដជាមានពុកម៉ែបងប្អូនជាច្រើនពិតជាបានស្គាល់រួចមកហើយ ព្រោះអ្នកនាង គឺជាអតីតគូស្នេហ៍ចាស់របស់នាយ ចឺម ហើយក៏ជាតារាស្រីមួយរូបដែលមានភាពល្បីល្បាញខ្លាំងផងដែរ នៅក្នុងវិស័យសិល្បៈ ។
យ៉ាងណាមិញអ្នកនាង សេង សុឃីម មិនត្រឹមតែមានសមត្ថភាពនៅក្នុងវិស័យសិល្បៈនោះទេ បើងាក់មកមើលនៅកិច្ចការ រកសុីវិញក៏តារាស្រីរូបនេះ ពូកែមិនធម្មតាដែរ នាងត្រូវបានគេដឹងថាជាអ្នកជំនួញស្រីវ័យក្មេងម្នាក់ទទួលបានភាពជោគជ័យខ្លាំងផងដែរ ។
ដោយឡែកនៅកាលពីពេលថ្មីៗនេះ មានមហាជនជាច្រើនបានមានការភ្ញាក់ផ្អើលយ៉ាងខ្លាំង ក្រោយឃើញអ្នកនាង សេង សុឃីម បានបង្ហោះវិដេអូ សោកសៅមួយឃ្លីប ក្រោយសត្វចិញ្ចឹមបណ្តូលចិត្តរបស់នាង ដែលប្រៀបដូចទៅនិងសមាជិកគ្រួសារម្នាក់ដែរនោះ បានបាត់បង់ជីវិត ។
សូមបញ្ជាក់ថា សម្រាប់អ្នក ស្រឡាញ់សត្វ យល់ឃើញថា ការមានសត្វចិញ្ចឹមធ្វើឱ្យអារម្មណ៍របស់ពួកគេប្រសើរឡើង ដោយកាត់បន្ថយភាពតានតឹង និងបន្ធូរភាពឯកោជាដើម។ សត្វចិញ្ចឹមបានផ្តល់ក្តីស្រឡាញ់ និងភាពជាមិត្តជិតស្និទ្ធិដល់ម្ចាស់របស់ពួកគេទាំងនៅក្នុងពេលវេលាល្អ និងអាក្រក់។ ចំណុចមួយចំនួននេះអាច បញ្ជាក់បានថា សត្វចិញ្ចឹមធ្វើឱ្យមនុស្សកាត់បន្ថយភាពតានតឹង និងធ្វើ ឱ្យ មាន សុខភាពផ្លូវចិត្តល្អប្រសើរ។
ការរស់នៅជាមួយសត្វចិញ្ចឹមមានន័យថាអ្នកមាននរណាម្នាក់នៅជាមួយគ្រប់ពេល ដូចអ្នកនៅផ្ទះជាមួយ។ ម្ចាស់សត្វចិញ្ចឹមនិយាយថា ពួកគេមានអារម្មណ៍ឯកោតិចជាងបើធៀបនឹងមនុស្សដែលមិនមានសត្វចិញ្ចឹម។ សត្វចិញ្ចឹមក៏អាចជួយអ្នកឱ្យមានទំនាក់ទំនងល្អជាមួយអ្នកដទៃផ្សេងទៀតផងដែរ។ ជាឧទាហរណ៍ ម្ចាស់សត្វឆ្កែអាចទៅលេងអ្នកជិតខាង នោះវាជាការបង្ដើតទំនាក់ទំនងជាមួយមនុស្សក្នុងសហគមន៍របស់ពួកគេ។
ចង់ដឹងកាន់តែជ្រាបច្បាស់ សូមទស្សនាវីដេអូខាងក្រោម៖
