ជឿជាក់ប្រិយមិត្តមួយចំនួនច្បាស់ជាបានស្គាល់នូវរហស្សនាម ចែអំបិលម្ទេស រួចហើយ ដែលនារីរូបនេះតែងបង្កើតមាតិកាវីដេអូហូបនូវម្ហូបអាហារប្លែកៗពីគេជាមួយអំបិលម្ទេសទាំងគោមៗ ទទួលបានការចាប់អារម្មណ៍ពីសំណាក់អ្នកលេងបណ្ដាញសង្គម។
ទន្ទឹមទៅនឹងមាតិកាហូបវីដេអូប្លែកៗបែបនេះ ថ្មីៗនេះមហាជនបានផ្ទុះការភ្ញាក់ផ្អើលក្រោយស្ត្រីរូបនេះបង្ហោះវីដេអូ សុីពោះវៀនកង់ និងសុីស្បែកជើងជាដើម ។
មិនត្រឹមតែមហាជនខ្មែរនោះទេដែរ ភ្ញាក់ផ្អើលសូម្បីតែ សាព័ត៍មានធំៗ នៅក្នុងប្រទេសថៃជាច្រើនក៏បានយកវិដេអូ សុីស្បែកជើង នេះទៅចុះផ្សាយ ហើយថែមទាំងបានសើចចម្អកមកកាន់ ប្រជាជនខ្មែរមួយប្រទេសផងដែរ និយាយរួមទៅ ឃ្លីបវិដេអូរបស់ នារីម្នាក់នេះបានធ្វើឲ្យ មានការប៉ះពាល់ខ្លាំងណាស់ ដល់កិត្តិយស ប្រជាជាតិខ្មែរ។
ក្រោយឃើញ មានការរិះគន់ឥតឈប់ឈរ ពីសំណាក់មហាជនខ្មែរ នៅក្នុងរយៈពេលប៉ុន្មានថ្ងៃចុងក្រោយមកនេះ ស្រាប់តែ នៅកាលពីពេលថ្មីៗនេះ នារីម្នាក់នេះ បានចេញវិដេអូមកធ្វើការ សុំទោស ជាលើកទី២ ហើយព្រមទទួលស្គាល់កំហុសគ្រប់យ៉ាង ។
បន្ទាប់ពីបានឃើញ នាងអំបិលម្ទេស ចេញមុខសុំទោស ម្តងហើយម្តងទៀត ស្រាប់តែលោកជំទាវ ហ៊ុន សុីណាត បានបង្ហោះសារ ចំៗដូច្នេះថា ៖« សូមឲ្យច្បាប់ចាត់ការ នាងបំពុលសង្គមនេះទៅវាបំពុលរឿងដ៏ដែលៗ កុំអាងអីអាវប្បធម៌ម្រាមដៃដប់សែនជ័យបារមីសូមទោសរួចខ្លួនឲ្យសោះដាក់ទោសវាម្ដងទើបវារាង ។ ម្យ៉ាងទៀតនាងមួយនេះវាមានចេតនាបំផ្លាញ់មុខមាត់ប្រទេសជាតិយើងឲ្យប្រទេសជិតខាងមើលងាយថាខ្មែរសុីបែបៗនេះ ។ តើនាងម្នាក់នេះនៅខេត្តណា?» ។
តោះកុំឲ្យខាតពេលយូរ ដើម្បីឲ្យជ្រាបកាន់តែច្បាស់សូមទស្សនាវិដេអូ របស់លោក ជំទាវ ហ៊ុន សុីណាត ដូចតទៅ ៖
