ភ្នំពេញ ៖ មានទីតាំងល្បែងសុីសងដុះស្លែមួយកន្លែងដែលកន្លងមកគេស្គាល់ ឈ្មោះថា Net 365 នៅជាប់ផ្លូវលេខ៤៧៤ ទល់មុខការ៉ាស់សាំងPTT ស្ថិតក្នុងសង្កាត់បឹងត្របែក ខណ្ឌចំការមន បានលួចបើកដំណើរការលេងធម្មតា និងមានមនុស្សចេញចូលជាច្រើនទៀតផង ដោយមិនខ្លាចញញេីតនិងអាជ្ញាធរដែនដីមានសមត្ថកិច្ចចុះបង្ក្រាបនោះឡេីយ ។
គួររំលឹកថា សម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានចេញបទបញ្ជា ដាច់ណាត់មួយ ឱ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសងគ្រប់ប្រភេទទាំងអស់ឱ្យខាងតែបាន។ សម្តេចតេជោ បានបញ្ជាក់យ៉ាងច្បាស់ដាច់ណាត់ទៀតថា អាជ្ញាធរនិងសមត្ថកិច្ចស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។
ជាក់ស្តែងទីតាំងលួចបេីកល្បែងសុីសងខាងលេីនេះ នៅមិនទាន់ឃេីញមានអាជ្ញាធរមូលដ្ឋាន និងសមត្ថកិច្ចជំនាញធ្វេីការស្រាវជ្រាវឆ្មក់បង្ក្រាបនោះទេ ។ នេះអាចបញ្ចាក់ថា អាជ្ញាធរកំពុងតែនាំគ្នាផ្គើននិងបទបញ្ជារបស់សម្តេចតេជោ ហ៊ុនសែន យ៉ាងបន្ទុក ក្នុងការមិនអនុវត្តន៌តាមបទបញ្ជារបស់សម្តេចតេជោ ស្តីពីការទប់ស្កាត់និងបង្ក្រាបបទល្មើសល្បែងស៊ីសងគ្រប់ប្រភេទនៅទូទាំងប្រទេសកម្ពុជា។
ពលរដ្ឋសង្ឃឹមថា អាជ្ញាធរមូលដ្ឋាន និងកម្លាំងជំនាញរៀបចំឆ្មក់បង្ក្រាបទីតាំងខាងលេីនេះឱ្យមានប្រសិទ្ធិភាពផង ដេីម្បីជាតម្លាភាព នៃការបង្ក្រាបទីតាំងល្បែងផ្សេងៗមានការឃាត់ខ្លួនបានអ្នកលេង ព្រមទាំងម្ចាស់ទីតាំង និងវត្ថុតាងបញ្ចូនដល់ដៃតុលាការ ៕ដោយ ៖ ជីម ភារ៉ា
