ពិតណាស់នៅកាលពីពេលថ្មីៗនេះ គេបានឃើញតារាចម្រៀង រ៉េបលោក ជី ដេវីត បានបង្ហោះសារយ៉ាងខ្លីមួយថា «ចង់ហូបបបរសាច់នាគ » ក្រោយបង្ហោះបែបនះរួចឃើញថាមានការចាប់អារម្មណ៍ខ្លាំងមែនតែន និងមានអ្នកចូលទៅចុចឡែក ចុចបេះដូងរាប់មុឺននាក់ឯណ្ណោះ ។
យ៉ាងណាមិញបន្ទាប់ពីឃើញតារាចម្រៀងរូបនេះបង្ហោះសំណេរដូច្នេះហើយ ស្រាប់តែមានម្ចាស់ហ្វេសប៊ុកផេកឈ្មោះ «បារមី ស្តេចនាគខ្មែរ» បានរិះគន់លោក ជី ដេវីត ចំៗតាមរយៈសំណេរដូច្នេះថា ៖ «ទោះស្ថិតក្នុងស្ថានការណ៍ណាក៏ដោយ ពាក្យឃ្លាខាងក្រោម បារមីនាគ បារមីស្តេចនាគទទួលយកមិនបានទេ។ ឈាមខ្មែរជាឈាមស្តេចនាគ ឃ្លា"ចង់ហូបបបរសាច់នាគ" បារមីស្តេចនាគសំរេចថាមនុស្សដែលសរសេរនោះ "គឺចង់សុីព្រលឹងដូនតាខ្មែរ" ធ្វេីអ្វីបានហ្នឹង មិនចាំជាតិក្រោយ! » ។
បន្ទាប់មកនៅលើហ្វេសប៊ុកផេកមួយនេះបានបង្ហោះសារ បន្ថែមទៀតថា ៖« ពាក់ពន្ធ័ជាមួយG-David យាយតួស្នងគ្រាន់តែជាអ្នកនាំពាក្យ។ អ្នកដែលមិនពេញចិត្តចង់តវ៉ាសូមណាត់ជួបបារមីស្តេចនាគក្នុងសុបិន្ត។ "លឺសំលេងទាយបាន" បេីចង់ល្បី ឡាយទាយរាល់ថ្ងៃ ល្បីហេីយ។ បេីតោងក៏មិនតោងមនុស្សដែលប្រមាថថានាគជាសត្វសំរាប់វាសុីដែរ។ » ៕
