ព័ត៌មានបឋម (កណ្ដាល)៖ ហេតុការណ៍គ្រោះថ្នាក់ចរាចរណ៍មួយបានកើតឡើង រវាងរថយន្តម៉ាក ISUZU REWARD ដឹកទំនិញ ស្លាកលេខភ្នំពេញ 3G-6252 និងម៉ូតូម៉ាក Honda CUB (អាកប់កង់តឿ) បណ្តាលឲ្យស្លាប់ អ្នកបើកបរម៉ូតូ(សង្ស័យជាជនជាតិចិន) លើកំណាត់ផ្លូវ២១ ចំណុចមុខ ស្ថានីយ៍ប្រេងឥន្ទនៈ SAVIMEX ស្ថិតភូមិលេខ១ក សង្កាត់ស្វាយរលំ ក្រុងតាខ្មៅ ខេត្តកណ្តាល កាលពីយប់ថ្ងៃទី២២ ខែឧសភា ឆ្នាំ២០២៥។

ភិនភាគសពមិនស្គាល់អត្តសញ្ញាណ មានស្លៀកខោក្រណាត់ ជើងខ្លី ពណ៍ដោះគោ អាវយឺតដៃខ្លីពណ៍ស មានស្នាមសាក់ដៃឆ្វេង។ លោកអធិការក្រុងតាខ្មៅបានបញ្ជាក់ថា សពជាជនជាតិខ្មែរ បានកំពុងតម្កល់នៅមន្ទីរពេទ្យជ័យជំនះ៕