ស្វាយរៀង៖ កាលពីថ្ងៃទី១៧ ខែមេសា ឆ្នាំ២០១៨ មានភ្លៀងផ្គរ លាយឡំខ្យល់កន្ត្រាក់ បក់បោករលំផ្ទះប្រជាពលរដ្ឋ អស់៣ខ្នងខូចខាតទាំងស្រុង និងរបើកដំបូលអស់២ ខ្នងខូចខាតទ្រព្យសម្បត្តិ អស់មួយចំនួនធំ និង ក្នុងនោះក៏ម៉ូតូ១គ្រឿងផងដែរ​ ហេតុការណ៍នេះបានកើតឡើង ភូមិទួលច្រេះឃុំចំបក់ ស្រុកស្វាយជ្រុំ ខេត្តស្វាយរៀង។

ម្ចាស់ដែលត្រូវរងគ្រោះនោះរួមមាន ទី១. ឈ្មោះគឹមណាត ភេទស្រី មេម៉ាយ អាយុ៦៧ឆ្នាំខូចខាត ផ្ទះទាំងស្រុង ផ្ទះទំហំ៦ម៉ែត្រគុណ ៧ម៉ែត្រសរសរ បេតុងដំបូលប្រក់សង្ខ័សី ជញ្ជាំសង្ខ័សីរនាបឬស្សី។​ ទី២.ឈ្មោះទឹតហនភេទប្រុសអាយុ៣២ឆ្នាំ ផ្ទះទំហំ៦ម៉ែត្រ គុណ ៧ម៉ែត្រ ដំបូលប្រក់សង្ខ័សីជញ្ជាំងសង្ខ័សី រនាបក្តា សរសរបេតុង ខូចទាំងស្រុង។ ទី៣. ឈ្មោះ ភោគ រិន ភេទស្រី អាយុ៤០ឆ្នាំ មេម៉ាយ ផ្ទះទៀមទំហំ៤ម៉ែត្រគុណ ៣ម៉ែត្រដំបូល សង្ខ័សី ជញ្ជាំងសង្ខ័សី ខូចទាំងស្រុង។ ទី៤. ឈ្មោះសយ ចាន់ណា ភេទប្រុសអាយុ៣១ឆ្នាំ ខូចខាតផ្ទះទៀមទំហំ៥ម៉ែត្រគុណ ៦ម៉ែត្រផ្ទះសង់អំពីឈើ ដំបូលប្រក់សង្ខ័សី របើកដំបូលទាំងស្រុងនិង ទី៥. ឈ្មោះថាន់ សាបាន ភេទប្រុសអាយ៤៣ឆ្នាំ ផ្ទះទៀមទំហំ៤ គុណ៦ម៉ែត្រដំបូលសង្ខសី របើកដំបូលទាំងស្រុង ។ នេះបើតាម លោកព្រំ សំអុល នាយនគរបាលប៉ុស្តិ៍រដ្ឋបាលឃុំចំបក់ បានឲ្យដឹងថា នេះគឺជាករណីទីមួយហើយ ដែលមានភ្លៀងកក់ខែលាយឡំផ្គររន្ទះនិងខ្យល់កន្រ្តាក់ ធ្វើអោយផ្ទះប្រជាពលរដ្ឋជាច្រើនបានខូចខាតនោះ តែសំណាងល្អហើយ ដែលមិនមានអ្នកណាម្នាក់មានគ្រោះថ្នាក់នោះ៕ ដោយ៖ អាឆើត