រថយន្តដឹកថ្មមួយគ្រឿង រអិលធ្លាក់ជ្រោះ បណ្តាលអោយម្ចាស់រថយន្ត...

ក្រុងព្រះសីហនុ៖ រថយន្តដឹកថ្មមួយគ្រឿងបើកឡើងចំណោតអូរត្រាវមិនរួច ក៍រអិលថយក្រោយរួចក្រឡាប់ធ្លាក់ចេញពីផ្លូវ បណ្តាលអោយម្ចាស់រថយន្តរងរបួសយ៉ាងធ្ងន់ធ្ងរ ដែលហេតុការណ៍នេះបានកើតឡើង កាលពីថ្ងៃទី​២១ ខែ​មេសា​ ឆ្នាំ​២០១៨​ ស្ថិតនៅចំណុចចន្លោះ​គីឡូម៉ែត្រ​ ២១៥-២១៦។

ម្ចាស់រថយន្តមានឈ្មោះ សៀវ​ កុសល​ ភេទ​ ប្រុស​ អាយុ​ ៤២ឆ្នាំ​ មុខរបរ​ អ្នកបើកបរ ​​ មានទីលំនៅ​ខេត្ត​កណ្ដាល​ បើកបរទិសដៅចូលក្រុង​ព្រះសីហនុ​ បើរថយន្ត ​ពណ៌​ ក្រហម​ លេខ​ភ្នំពេញ​3B-6199 សណ្តោង​រុឺម៉ក​ដឹក​ថ្ម​ បណ្តាលអោយរងរបួសយ៉ាងធ្ងន់ធ្ងរ។
បច្ចុប្បន្នជនរងគ្រោះត្រូវបានបញ្ជូនទៅមន្ទីរពេទ្យ រួចរាល់ហើយ៕
ដោយ៖ អាឆើត