កំពូលតារាចម្រៀងស្រីជួរមុខក្នុងផលិតកម្ម រស្មីហង្សមាស ប្រចាំព្រះរាជាណាចក្រកម្ពុជាធ្វើអោយមហាជនឆ្ងល់គ្រប់គ្នាបន្ទាប់ពីបង្ហោះរូបយ៉ាងស្រស់ស្អាតប៉ុន្មានសន្លឹក ។

បើក្រឡេកមើលដំបូងប្រិយមិត្តមួយចំនួនអាចយល់ច្រឡំថារូបនេះប្រហែលជា ឱក សុគន្ធកញ្ញា ចេញទៅថតនៅបរទេសហើយ ប៉ុន្ដែការពិតមិនដូច្នេះឡើយ តាមពិតគឺជាទេសភាពក្នុងខេត្តមួយនៃប្រទេសយើងសោះ ។ បើមើលតាមការរៀបរាប់របស់ ឱក សុគន្ធកញ្ញា បានអោយដឹងថា៖ «នាង​ខ្ញុំ​សូម​ថ្លែង​អំណរគុណ​ដល់​ការ​ផ្តល់​កិត្តិយស​ រួម​ដំណើរ​ និងទទួលរាក់ទាក់យ៉ាងកក់ក្តៅ ពី​សំណាក់​លោក​ពូ​អភិបាល​ខេត្ត​ អ្នក​មីង​ និង​លោក​ពូ​អ្នក​មីង​ថ្នាក់​ដឹកនាំ​ខេត្ត​ទាំង​អស់​ ក្នុង​ពេល​ដែល​នាងខ្ញុំ​ស្នាក់​នៅ​ក្នុង​ខេត្ត​ឧត្តរ​មានជ័យ​ និង​សូម​អរគុណ​ដល់​ការ​ស្រលាញ់​ចូលចិត្ត​ គាំទ្រ​ពី​សំណាក់​ពុកម៉ែបងប្អូន​ទស្សនិកជន​អ្នក​ខេត្ត​ឧត្តរ​មានជ័យ​ទាំងអស់» ៕