រុក្ខជាតិ៖ ពន្លៃផ្នែកប្រើប្រាស់ : ស្លឹក ផ្កា ដើម ឬស មើម។ សមាសធាតុ : ក្នុងមើម មានជាតិប្រេង ក្នុងនោះមាន Terpineol Alpha pinen, Belta pinen, Sabinen, Myrsen, Alpha terpinen, Limonen, Terpinen, Terpinolen, Butadien.

ការព្យាបាល : – ស្លឹក: ព្យាបាលស្រៀវស្រាញ ចុករោយ។

– ផ្កា: ព្យាបាលជាំក្នុង រំលាយដុំឈាម រំលាយឈាមអាក្រក់ ទំលាក់ឈាមរដូវ។

– ដើម: ជួយសម្រួលការបត់ជើងធំ។ – ឬស: ព្យាបាលក្អួតឈាម ឈាមច្រមុះ។ – មើម: ធ្វើឲ្យរដូវដើរទៀង ព្យាបាលឈាមច្រមុះ រលាកពោះរៀន ដើរខ្យល់ រាកមួល ឈឺធ្មេញក្អួតធ្លាក់ឈាម គ្រេចថ្លោះ រោគសើស្បែក បូស ផ្សះដំបៅ ឈឺរោយសាច់ដុំ។ – មើមមានសារធាតុឈ្មោះ Veratrole ដែលអាចបើកទងសួតមានប្រសិទ្ធិភាពក្នុងការព្យាបាលហឺតស្រួចស្រាវ និងហឺតរ៉ាំរ៉ៃនៃកូនក្មេង។ កម្រិតប្រើ : ប្រើពី ២០-៣០ក្រាម ដាំទឹកផឹកក្នុងមួយថ្ងៃ។ *សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។ សម្រួលអត្ថបទដោយ៖ អ៊ាង សុផល្លែត ឯកសារយោង៖ រុក្ខជាតិឱសថកម្ពុជា