ប្រទេសថៃ៖នៅថ្ងៃទី 12មិថុនាស្ត្រីម្នាក់បានស្លាប់ដោយសារតែការបរិភោគផ្លែបំពេញរាជ។ ស្ត្រីរងគ្រោះឈ្មោះ បាំងអឺន ផេឆតុន អាយុ 68ឆ្នាំ មានអាការៈឈឺពោះខ្លាំងតាំងពីថ្ងៃ ទី6 មិថុនា មិនបាត់ ក្រុមគ្រួសារក៏បានបញ្ជូនមកមន្ទីរពេទ្យ។

គ្រូពេទ្យបានពិនិត្យនិងធ្វើការវះកាត់យកគ្រាប់បំពេញរាជបានចំនួន 4 គ្រាប់ ហើយគ្រាប់បំពេញរាជនោះបានមុតធ្លុះក្រពះទៅដល់ពោះវៀនធំដែលបណ្ដាលអោយឆ្លងមេរោគពីលាមកហើយមេរោគបានរាតត្បាតតាមសរសៃឈាមរហូតដល់ត្រូវបាត់បង់ជីវិតបន្ទាប់ពីវះកាត់បាន 4ថ្ងៃ។ កូនស្រីរបស់ជនរងគ្រោះបាននិយាយថា ម្ដាយរបស់ខ្លួនចូលចិត្តពិសារផ្លែបំពេញរាជណាស់ ហើយគាត់ចូលចិត្តគ្រាប់វាតែម្ដង តែមិននឹស្មានថា វាអាចបង្កគ្រោះថ្នាក់ដល់អាយុជីវិតបែបនេះសោះ ។ សូមបងប្អូនដែលចូលចិត្តពិសារផ្លែបំពេញរាជទាំងងស់មានការប្រុងប្រយ័ត្នជាពិសេសក្មេងតូចៗជៀសវាងគ្រោះថ្នាក់កើតឡើងជាយថាហេតុ៕ រក្សាសិទ្ធិ៖KhmerNews (ផ្សាយឡើងវិញ)