(កំពង់ស្ពឺ)៖ ក្រោមអធិបតីភាពឯកឧត្តម ហេង សុខគង់ សមាជិកគណៈកម្មាធិការកណ្តាលគណបក្សប្រជាជនកម្ពុជា និងឯកឧត្តម លី ចាន់សុភក្តី ប្រធានក្រុមការងារថ្នាក់កណ្តាលចុះជួយឃុំភក្តី និងសមាជិក សមាជិកាក្រុមការងារថ្នាក់កណ្តាលចុះជួយឃុំ សកម្មជនយុវជនឃុំ និងលោកតា លោកយាយ ប្រជាពលរដ្ឋ ដែលមានសាច់សាលោហិតស្លាប់នារបប៣ឆ្នាំ ៨ខែ ២០ថ្ងៃ ប្រមាណជិត៣០០នាក់ មានរៀបចំកម្មវិធីទិវារំលឹកវិញ្ញាណក្ខន្ធ (ទិវាជាតិចងចាំ២០ឧសភា) នៅព្រឹកថ្ងៃទី១៩ ខែឧសភា ឆ្នាំ២០១៨នេះ នៅវត្តផុងភក្តីវរ៉ារាម ។

ក្នុងឱកាសនោះលោកតា លោកយាយបានឡើងថ្លែងរៀបរាប់ទាំងទឹកភ្នែកពីរបបដ៏សាហាវព្រៃផ្សៃនៃរបបប៉ុលពត ជាពិសេសគឺក្តីឈឺចាប់ និងទុក្ខវេទនាដ៏មហាជ្រាលជ្រៅពីការវាយធ្វើបាប កាប់សម្លាប់យ៉ាងឃោរឃៅព្រៃផ្សៃពីអង្គការមហាលោតផ្លោះ មហាអស្ចារ្យ ។ ក្រោយពីពិធីរាប់បាត្ររួចមក ក្រុមការងារសុខភាពភូមិខ្ញុំដឹកនាំដោយលោកវេជ្ជបណ្ឌិត ឌុក គុណសេនា និងសហការីក៏បានពិនិត្យ ព្យាបាលជំងឺ និងចែកថ្នាំពេទ្យជូនដល់បងប្អូនប្រជាពលរដ្ឋយើងផងដែរ៕ ប្រភពៈ ណុត