វីដេអូថតបានស្ដែងៗ ធ្លាក់យន្តហោះដឹកមនុស្សជាង ១០០ នាក់ត្រូវបានស្លាប់.....(មានវីដេអូ) - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

វីដេអូថតបានស្ដែងៗ ធ្លាក់យន្តហោះដឹកមនុស្សជាង ១០០ នាក់ត្រូវបានស្លាប់.....(មានវីដេអូ)

យន្តហោះប្រភេទ Boeing 737 មួយគ្រឿងបានធ្លាក់នៅក្បែរអាកាសយានដ្ឋានអន្តរជាតិJose Marti ក្នុងទីក្រុងឡាហាវ៉ាន ប្រទេសគុយបា វេលាម៉ោងប្រមាណ១ រំលងអាធ្រាត្រយប់មិញនេះ(ម៉ោងនៅកម្ពុជា)។ យន្តហោះនោះ មានដឹកអ្នកដំណើរ ១០៤នាក់ និងក្រុមការងារ ៩នាក់ ហើយក្រោយជួបឧបទ្ទវហេតុដ៏អកុសល មានមនុស្សត្រឹម ៣នាក់ប៉ុណ្ណោះ ដែលនៅមានជីវិត និងរងរបួសធ្ងន់ធ្ងរ។

កាសែត Granma របស់គណបក្សកុម្មុយនិស្តគុយបា បានរាយការណ៍ថាមនុស្ស ៣នាក់បានរួចជីវិតប៉ុន្តែស្ថិតក្នុងស្ថានភាពធ្ងន់ធ្ងរ។ គេហទំព័រតាមដានជើងហោះហើរបានបង្ហាញថា យន្ដហោះបានចាកចេញពីអាកាសយានដ្ឋាននៅព្រឹកព្រលឹម រួចក៏បានធ្លាក់ភ្លាមៗបន្ទាប់ពីហោះឡើងបានបន្តិចប៉ុណ្ណោះ។ ទូរទស្សន៍រដ្ឋបាននិយាយថា វាជាជើងហោះហើរក្នុងស្រុកមួយពីរដ្ឋធានីគុយបាទៅទីក្រុងហូលហ្គីន នៅភាគខាងកើតនៃកោះនេះ។

យោងតាមការស្រាវជ្រាវក្នុងឧស្សាហកម្មកាលពីឆ្នាំមុនគឺជាប្រវត្តិសាស្ត្រសុវត្ថិភាពបំផុតសម្រាប់ការធ្វើដំណើរតាមអាកាសចរណ៍ដោយមិនមានការធ្លាក់យន្តហោះដឹកអ្នកដំណើរឡើយ។ ប៉ុន្តែនៅឆ្នាំនេះ មានគ្រោះមហន្តរាយធ្ងន់ធ្ងរជាច្រើនលើកកើតឡើងលើយន្តហោះ។ កាលពីខែមុនយន្តហោះយោធាមួយគ្រឿងបានធ្លាក់នៅប្រទេសអាល់ហ្សេរី ដោយបានសម្លាប់មនុស្សជាង ២៥០ នាក់៕