កំពង់ធំ​៖ បុរសម្នាក់ ចង.ក សម្លាប់ខ្លួន ដោយសារតែខឹងប្រពន្ធ​ កូនរបស់ខ្លួន ជិះម៉ូតូទៅដេញគោយូរពេក ខ្លាចម៉ូតូខូច ពេលប្រពន្ធ និងកូនត្រលប់មកវិញ ក៏មានការឈ្លោះប្រកែកគ្នា ទើបគាត់រត់ទៅចង.កសម្លាប់ខ្លួនតែម្តង ដែលហេតុការណ៍នេះបានកើតឡើង កាលពីវេលាម៉ោង១៩ និង២០នាទី ថ្ងៃទី២០ ខែ ឧសភា ឆ្នាំ២០១៨ នៅចំណុចដីខ្មៅភូមិតាមិញ ឃុំក្រយា ស្រុកសន្ទុក ខេត្តកំពង់ធំ។

ជនរងគ្រោះមានឈ្មោះ ងិន ម៉ុន ភេទ ប្រុស អាយុ៣២ ឆ្នាំ ចំណែក កូនប្រុសឈ្មោះ យេន ថាល់ ភេទ ប្រុស អាយុ ១៤ ឆ្នាំ ។ ប្រភពពីសមត្ថកិច្ចបានប្រាប់ថា នៅមុនពេលកើតហេតុ ស្រ្តីដែលជាប្រពន្ធនិងកូនប្រុស បានយកម៉ូតូទៅដេញគោ ដោយសារតែទៅយូរពេក បុរសខាងលើព្រួយបារម្ភខ្លាចម៉ូតូខូច ទើបប្រពន្ធនិងកូនត្រលប់មកវិញ ក៏មានការឈ្លោះប្រកែកគ្នាតិចទៅ តែមិននឹកស្មានថាគាត់បែរជា ទៅចង.កសម្លាប់ខ្លួនបែបនេះនោះទេ។ បច្ចុប្បន្នសពជនរងគ្រោះត្រូវបាន ក្រុមគ្រួសារយកទៅធ្វើបុណ្យតាមប្រពៃណីហើយ៕ ដោយ៖​ រិទ្ធិ