ភ្នំពេញ៖ ក្រោយប្អូនថ្លៃតារាកំប្លែងនាយ ពាក់មី ត្រូវឃាតករជិះឡានដេញបុក បណ្តាលឲ្យបុករបងថ្មរងរបួសធ្ងន់កាលពីថ្ងៃទី១០ ឧសភានោះ ពេលនេះភាគីជនបង្កសុំចរចា ដើម្បីបញ្ចប់រឿងនេះ តែគ្រួសារជនរងគ្រោះនៅមិនទាន់ឯកភាពនៅឡើយទេនៅព្រឹកថ្ងៃទី២១ ខែឧសភា ឆ្នាំ២០១៨នេះ។

ទាក់ទិននឹងរឿងនេះ លោកក៏បានបញ្ជូនប្អូនប្រុសទៅប្រទេសវៀតណាមដើម្បីធ្វើការជួយសង្គ្រោះ ហើយ ដោយលោកបានលើកឡើងថា "សូមជំរាបជូនដំណឹងដល់បងប្អូនទាំងអស់អោយបានជ្រាបថា ពេលនេះប្អូនថ្លៃខ្ញុំកំពុងព្យាបាលនៅប្រទេសវៀតណាម ដោយស្ថានភាពធ្ងន់ធ្ងរ ចំណែករឿងសមត្ថកិច្ចខណ័ឬស្សីកែវគាត់កំពុងតែធ្វើការដោះស្រាយជូនយើងខ្ញុំហើយ អគុណបងប្អូនដែលបារម្មណ៏នឹងជូនពរដល់ជនរងគ្រោះ បើមានដំណឹងអ្វីថ្មីខ្ញុំនឹងជំរាបជូនទៀត"។ ទាក់ទិនតម្រុយជនសង្ស័យ ត្រូវបានគេដឹងថា ជាមន្ត្រីប៉ូលីសបម្រើការងារនៅខណ្ឌឫស្សីកែវ។ នាយ ពាក់មី បានលើកឡើងថា «គោលបំណងខ្ញុំចង់ឲ្យគេចាប់ឲ្យបាន ហើយមហាជនក៏ចង់ឃើញចាប់ជនសង្ស័យបានដែរ បើយើងចរចារឿងហ្នឹងស្ងាត់បាត់ហើយ វាអត់មានអីទៀតទេ»។ ប្រភព៖ dara-news