ភ្នែកនៅកញ្ចឹង.កហើយអានាង...យុវជនម្នាក់ បើករ៉ឺម៉កដឹកធុងហ្គាស ខំគេចពីគន្លងផ្លូវ​ បែរជាប៉ះរថយន្តគេ បណ្តាលឲ្យរងការខូចខាតយ៉ាងដំណំ...
ស៊ីថា
- 604

កំពត៖ ម៉ូតូរ៉ឺម៉កដឹកធុងហ្គាសមួយគ្រឿង បើកគេចពីរលកផ្លូវថ្នល់ជ្រុលទៅបុករថយន្ត លុចស៊ីស RX ៣០០ បណ្តាលឲ្យរងការខូចខាតទាំងស្រុង ដែលហេតុការណ៍នេះបានកើតឡើង នៅចំណុចកំណាត់ផ្លុវជាតិលេខ៣៣A កំពត-កែប ត្រង់ចំណុចទល់មុខអ៊ុងម៉ុងសហគមន៍ស្រែអំបិលកំពត ស្ថិតក្នុងភូមិត្រពាំងធំ ឃុំជុំគ្រៀល ស្រុកទឹកឈូ ខេត្តកំពត កាលពីថ្ងៃទី២៣​ ខែឧសភា ឆ្នាំ២០១៨។

រថយន្តរងគ្រោះម៉ាក លុចស៉ីស XR300 រងការខូចខាតយ៉ាងដំណំ បើកបរដោយឈ្មោះ អ៊ុយ ភនតេង ភេទប្រុស អាយុ៣៤ឆ្នាំ រស់នៅភូមិថ្មី សង្កាត់ព្រៃធំ ក្រុងកែប ខេត្តកែប បើកបរក្នុងទិសដៅបញ្ច្រាសគ្នាពីកើតទៅលិច។
ចំណែកជនបង្កមានឈ្មោះ ភិន ម៉ៃ ភេទប្រុស អាយុ១៨ឆ្នាំ រស់នៅភូមិព្រៃតុំ ឃុំព្រៃឃ្មុំ ស្រុកទឹកឈូ ខេត្តកំពត បើកម៉ូតូរ៉ឺម៉កបង្កហេតុម៉ាក យ៉ាវម៉ាហាប្រេស ពាក់ស្លាក់លេខ ភ្នំពេញ I 4609។
សាក្សីនៅកន្លែងកើតហេតុបានឲ្យដឹងថា នៅវេលាម៉ោងខាងលើគេឃើញម៉ូតូរ៉ឺម៉កដឹកធុងហ្គាស និងម៉ាស៊ុត មានគ្នា២នាក់រួមនឹងអ្នកបើកបរផង បានធ្វើដំណើរមកពីទិសខាងលិចមកកើតហេតុ គេចពីទួលផ្លូវរលករ៉េចង្កូតមកកណ្តាលថ្នល់បុកកៀរជាមួយរថយន្តលុចស៉ីស XR ៣០០ មួយគ្រឿង បណ្តាលឱ្យរងការខូចខាតយ៉ាងដំណំ ករណីបង្កហេតុគ្រោះថ្នាក់ចរាចរណ៍ខាងលើនេះ បណ្តាលឱ្យភាគីខាងម៉ូតូរ៉ឺម៉ករងរបួសស្រាល ភ្លាមៗនោះសមត្ថកិច្ចសណ្តាប់ធ្នាប់ចរាចរណ៍ស្រុកទឹកឈូ បានចុះមកកន្លែងកើតហេតុផងដែរ។
ពាក់ព័ន្ធករណីគ្រោះថ្នាក់ចរាចរណ៍ខាងលើនេះដែរ លោក ជា ភីរ៉ា ទទួលផែនសណ្តាប់ធ្នាប់ចរាចរណ៍ផ្លូវគោគនៃអធិការដ្ឋាននគរបាលស្រុកទឹកឈូ បានឱ្យដឹងថា ម៉ូតូរ៉ឺម៉កបង្កហេតុម៉ាក យ៉ាវម៉ាហាប្រេស ពាក់ស្លាក់លេខ ភ្នំពេញ I 4609 បើកបរដោយឈ្មោះ ភិន ម៉ៃ ភេទប្រុស អាយុ១៨ឆ្នាំ រស់នៅភូមិព្រៃតុំ ឃុំព្រៃឃ្មុំ ស្រុកទឹកឈូ ខេត្តកំពត។ អ្នករួមដំណើរម្នាក់ទៀតមានឈ្មោះ វុទ្ធ សូរ៉ាឌី ភេទប្រុសអាយុ១៨ឆ្នាំ រស់នៅភូមិស្វាយធំ សង្កាត់ក្រាំងអំពិល ក្រុងកំពត ខេត្តកំពត។
បច្ចុប្បន្នរថយន្ត និងម៉ូតូដែលជាវត្ថុតាងត្រូវបានសមត្ថកិច្ចជំនាញយកទៅរក្សាទុកនៅអធិការដ្ឋាននគរបាលស្រុកទឹកឈូ ដើម្បីដោះស្រាយគ្នាជាក្រោយ៕ ដោយ៖ ពិនិត្យ

Loading...