មន្ត្រីនគរបាលឈ្មោះ សុន ពិសាល ដែលមានជំនាញខាងប្រដាល់រាស្ត្រទន់ខ្សោយ ត្រូវបានឃាត់ខ្លួន
ប្រភពច្បាស់ការពីមន្ត្រីនាយកដ្ឋានព្រហ្មទណ្ឌក្រសួងមហាផ្ទៃបានអោយដឹងថា មន្ត្រីនគរបាលដែលប្រើហឹង្សាលើយុវជនម្នាក់អោយរងរបួសធ្ងន់កាលពីយប់ថ្ងៃទី ២៤ ខែ ឧសភា ឆ្នាំ ២០១៨ ត្រូវបានសមត្ថកិច្ចឃាត់ខ្លួនសាកសួរនៅនាយកដ្ឋាននគរបាលព្រហ្មទណ្ឌនៅល្ងាចថ្ងៃទី ២៥ ខែ ឧសភា ឆ្នាំ ២០១៨ ។ មន្ត្រីនគរបាលរូបនោះមានឈ្មោះ សុន ពិសាល ឋានន្តរស័ក្តិជាអនុសេនីយ៍ទៅ តួនាទី នាយរងផ្នែក នៅនាយកដ្ឋានព្រហ្មទណ្ឌ បច្ចេកទេស វិទ្យាសាស្ត្រ ។ ចំណែកបក្សពួក្នាក់ទៀតបានរត់គេចខ្លួន ។ ទង្វើរបស់មន្ត្រីនគរបាលពាលរូបនេះបង្ករអោយមហាជនរឹះគន់កក្រើក Facebook និងទាមទារអោយថ្នាក់ដឹកនាំនគរបាលជាតិ ចាត់វិធានការណ៍ច្បាប់និងបណ្ដេញចេញពីក្របខណ្ឌនគរបាលជាតិ ដើម្បីកុំអោយខូវឈ្មោះដល់មន្ត្រីល្អត្រឹមត្រូវទូទាំងប្រទេស ។
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។
