ភ្នំពេញ៖ រថយន្តដឹកកុងតឺន័រ១គ្រឿងបានបើកបរប្រកៀកប្រកិតពីក្រោយរថយន្តសម្រាប់ដឹកកុងតឺន័រដូចគ្នា១គ្រឿងទៀត ។លុះបន្តិចក្រោយមករថយន្តដែលបើកខាងមុខបានបត់ឆ្វេងដៃធ្វើឲ្យរថយន្តដែលបើកតាមពីក្រោយនោះវាក់ជាន់ហ្វ្រាំងមិនជាប់ក៏បានបុកពីក្រោយពេញទំហឹងរងការខូចខាតយ៉ាងដំណំតែម្ដង ប៉ុន្តែមិនបានបណ្ដាលឲ្យអ្នកបើកបររងរបួសឡើយ។

ឧប្បត្តិហេតុនេះបានកើតឡើងកាលពីវេលម៉ោង៣និង១០នាទីរសៀល ថ្ងៃទី២៥ ខែឧសភា ឆ្នាំ២០១៨ នៅលើកំណាត់ផ្លូវអូរដឹមកប់ស្រូវ ត្រង់ចំណុចភូមិចែងម៉ែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ រថយន្តដែលបើកបុកគ្នានោះ១គ្រឿងដែលបើកបុកពីក្រោយគេហើយរងការខូចខាតខ្លួនឯងនោះ ម៉ាកហ៊ីណូពណ៍បៃតងពាក់ស្លាកលេខភ្នំពេញ3B-1765 ជាកម្មសិទ្ធិរបស់ក្រុមហ៊ុន ផែស្ងួតតេងឡាយ។រថយន្តនេះមានដឹកទូកុងតឺន័រ ចំណែក១គ្រឿងទៀតម៉ាកFREIGHTLANER ពណ៍ទឹកប៊ិច ពាក់ស្លាកលេខភ្នំពេញ3C-4469 ហើយរថយន្តនេះអត់មានដឹកទូកុងតឺន័រឡើយ។ ក្រោយពេលកើតហេតុភាគីទាំង២បានសម្របសម្រួលគ្នាបញ្ចប់រឿងដោយគ្មានសំណងឡើយគឺរថយន្តដែលខូចខាតដោយបុកគឺពីក្រោយត្រូវបានម្ចាស់យកទៅធ្វើការជួសជុលដោយខ្លួនឯង។ ប្រភពៈ អេអិនអិន / ANN