រត់ចែកផ្លូវគ្នាសឹងមិនទាន់... សមត្ថកិច្ចឆ្មក់ បង្រ្កាបទីតាំងជល់មាន់ នៅស្រុកជើងព្រៃ ដកហូតបានម៉ូតូបានជិត៥០គ្រឿង និង....

ខេត្តកំពង់ចាម៖ រត់ចែកផ្លូវគ្នា បន្ទាប់ពីសមត្ថកិច្ចឆ្មក់ បង្ក្រាបទីតាំងជល់មាន់ ដុះស្លែធំមួយកន្លែង នៅស្រុកជើងព្រៃ ដកហូតបានម៉ូតូជិត៥០គ្រឿង និងមាន់ជល់៥ក្បាល កាលពីថ្ងៃទី០២ ខែមិថុនា ឆ្នាំ២០១៨នេះ បានបើកប្រតិបត្តិការ ចុះបង្ក្រាបកន្លែងជល់មាន់ដ៏ធំមួយកន្លែង ជាមួយនិងវងល្បែងអាប៉ោង១វង់ នៅក្នុងស្រុកជើងព្រៃ ខេត្តកំពង់ចាម។

បើតាមសម្តីសមត្ថកិច្ចបានប្រាប់ថា ការបង្ក្រាបកន្លែងជល់មាន់ រួមជាមួយនិងវង់ល្បែងអាប៉ោង ខាងលើនេះ ដោយមានការដឹកនាំកម្លាំងបញ្ជាផ្ទាល់ពីលោកវរសេនីយ៍ឯក ប្រាក់ សុគុណ និងលោកវរសេនីយ៍ត្រី សេង លី ណូ និងកម្លាំងជំនាញស្រុកជាច្រើនរូប ក្រោមការបញ្ជាផ្ទាល់ពីលោក គួច ចំរើន ប្រធានគណៈបញ្ជាការឯកភាពខេត្តកំពង់ចាម។ ក្នុងនោះ មិនបានឃាត់ខ្លួន អ្នកដែលលេងល្បែងទាំងនេះ បាននោះឡើយ ដោយសារតែពេលសមត្ថកិច្ចមកដល់ ពួកអ្នកលេងបានរត់អស់ទៅហើយ នៅសល់តែវត្ថុតាង៖ ម៉ូតូ៤៣គ្រឿង, មាន់៥ក្បាល, និងវង់អាប៉ោង១វង់៕